Kuldaine ak
Kuldaine ak (komi: Зарни ань, perm. komi: Зарни инь, hant.: Сорни най, ven.: Золотая баба) om legendarine idol vai (toižen versijan mödhe) amuine komin jumal, kudamban kuvapatshan komilaižed-paganičad vediba Obin randale hristanuskondan levigandusen tagut.
Mainitihe jumalad ezmäižen kerdan 13. voz'sadan skandinavižes sagas Pühäs Olavas, starinoičese vn 1023 matkas Biarmijha. Pohjoižpäivnouzmaižen Evropan i Lodehližen Azijan ristitišt kumardelihe Kuldaižele akale. Vl 1906 Nikolai Trubeckoi-filosof ezimeleti, miše mansin ülembaine Kaltas'-ekva-jumalnaine om-ki Kuldaižen Akan.
Venäman Gerhard Miller-istoriograf ümbrikirjuti Kuldašt akad «Sibirin istorii»-kirjas kut «paganičuiden jumalnaižen kuvapatsaz lapsenke us'kas», ostäkad (hantalaižed) toiba hänele andoid, sikš ak «andoi abud heile mectuses, kalanpüdandas i kaikiš heiden azjoiš».
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |