Lodu kävutajas:Sal’mjärven Ol’šoi

Tulgat tervhin Vepsän Vikipedijaha! -- Koiravva (arutelu) 1. tal’vku 2018, kell 20:35 (MSK)

Re:Apostrofad

Hüväd päivesen aigad, Rostislav! Vodel 2012 völ Vepsan Vikipedijan kund päti kävutada järgelišt "' "-znamad egzotižen "’" sijas, kut anglijan keles (oz., "I don't"), kebnendamba Vikipedijan šingotest (kehitoitandad), se znam om kaikuččen stacionarižen kompjuteran koskmikol (klaviatural) Gboard:an mainiteseta eskai. Tariž panda pal'had sijad (üht probelad) sanan jäl'ghe, miše pätta kursivan kaksitadud «''»-znaman problemad, oz., Sombathel' . Problem pehmituzznamanke lähtendan latinicale aigan libui kazahan-ki keles. Kut pätiba sidä: meletihe, pehmituzznam lähteškandeb hilläšti pörundaspäi ani aigan mändes, i problem linneb pättud ičeksaz. Muga ei ole znamasine lujas, mitte pehmituzznaman form kävutase, ei linne sidä ani tulebas aigas. Vepsän keles pehmitezznam kävutase muga paksus, mise loda sidä järgeližes anglijankel'žes klaviaturaspäi kebnendab kaiked, se om pen', no parembaks.

Necen Vikipedijan enamba mi kuz' tuhad kirjutusid oma sätud "'"-znamanke arni. Mikš vaiše Teiden koume kirjutust piidab formitada toižin?.. Ku eile nügüd', ka sen jäl'ghe, konz' Teile naprokučib mitte-se tuskasine enciklopedii, a minei üks'kaik vajehtada linneb?.. Minei Vologdas om opalašti nähta, kut Petroskoi toradase Piterinke, i kaikutte nägub ičtaze policijalaižeks opendusen sferaspäi. Se telustab kelen šingotesele, a se om päine azj, se azj, eile teiden normad i diko vanhtunu vn 2012 Petroskoin vajehnik, kudambad tö kävutat. Mihe-k vanhtunu? Kümnes vodes äi sanoid oli löutud (eile konstruiruidud) erigoičemha tartusiden kävutandad, ei ole niid vajehtusid Petroskoin vajehnikas, no om eläbas keles, muite unohtihe kirjutada, ka ei sa kävutada sidä vajehnikad kaikiš statjoiš. Küzugat edemba, no minai om vähä aigad kezaaigan, i se ei ole räzin kacmata norihe vozihe.

Naprin otta kävutamižhe «»-saupkid "" i „“-formiden sijas (vaise ku ližaform tarbhaine). Kahten sün tagut: erineb lujas pehmitezznamaspäi; «»-form om vepsän augotižlibundan, hot' en voi muštta, kus lugin sidä. Homaikat, se standart ei ole pandud lophusai Petroskoiš-ki. Grammatikan mödhe, adjektiv panese jäl'ghe rippujad sanad vepsän keles (päiči vokativoiš), sišpäi, kirjutand «lekar' Ivanov» om petuz, «Ivanov-lekar'» om oiged, päiči nimitandas suližes paginas tetpas («lekar' Ivanov!», konz' kuctas händast). Se om vauged läip Petroskoin tekstoiš mugažo, i om vaskmäine, miše se azj jäi lujata tarkuseta. I ningomid statjoid om äi lujas! Kut voib virkta, kut ei sa — oz., ei ole ie-diftongad vepsän keles, no se om teleradiovedajiden paginas (vai kuluse minei?). Paremba kaiked vepsän kel' om kaičenus Vologdan agjas, no valdkundan politik tahtoi i tahtoib unohtada «chariš» kaikeks igäks, i ei ole ni üläopendusen töid vepsän keles, ni vepsän sebrad arni täs. -- Koiravva (pagišta) 30. heinku 2024, kell 20:06 (MSK)

Lopuks, midä-se löuzin apostrofas: Vikipedii:Kund/Arhiv/2012#Nüansad, kudambad pidab pätta - Нюансы, которые надо решить. -- Motoranger (pagišta) 31. heinku 2024, kell 11:10 (MSK)

Oli loduid toižes-ki sijas, andan südäiolendad kut muštan. Om severt-se lähižid znamoid kut ’, i ei voi homaita niiden erindad kerdalaz. Mikš paremba ' ? Se om kaikil klaviaturoil, om kebnemb otta, ka se simvol ahtištab üks'-se kaikid toižid variantoid. Sid' ei piida tehta äi redirektoid apostrofan toižidenke variantoidenke, om kebnemb vajehtada ohjandimid (sändoid), käta ' oficialižeks da üks'jäižeks. -- Motoranger (pagišta) 31. heinku 2024, kell 11:26 (MSK)