Myspace

Myspace:an logotip

Myspace (virktas maispéis, «minun avaruz» anglijan kelespäi) om populärine ende rahvahidenkeskeine socialine verk. Sen tegijad oma Kris DeVul'f i Tom Anderson.

Verk radaškanzi vn 2003 elokus. Päfater sijadase Beverli-Hillz-lidnas (Kalifornii, AÜV), kompanijan radnikoiden lugu — 150..200 ristitud. Menü radab 14 kelel.

Sait mülütab verksebroid i blogplatformid. Voib säta sebroid mel'hetartusen mödhe, personaližid profilid, vedada blogoid, sijata fotokuvid, videoid, kundelta populärižiden muzikvändajiden trekoid.

Vl 2008 Myspace i Facebook oliba tazolugus kävutajiden verdan mödhe, enamba 100 mln profilid kaikutte. Aigan mändes verkon kävutajad läksiba toižihe verkoihe, Feisbukha päpaloin, i vodele 2019 vaiše 7 mln kävutajid tuliba Maispeisha hot' kerdan kus.