Nägu iknaspäi Le Gras

Ezmäine fotokuva mail'mas

Nägu iknaspäi Le Gras (franc.: Point de vue du Gras) om ezmäine satusekaz fotokuva fotografijan istorijas.

Francijalaine Žozef Njeps-melestegii da fotograf sädi fotokuvad vl 1827 kattud bitumal platal 16,2 sm × 20,2 sm × 0,15 sm surtte.

Nügüd'aigan kuvan original kaičese Garri Rensoman tedoiduzkeskuses Ostin-lidnas (Tehas-štat, AÜV). Se om pandud täuttud hapanikatomal gazsegoitusel konorüdehe.

Avaros tetab fotokuva om tipografijan mahtusel paindud kuva klišespäi. Kuvadab nägud Njepsan radhonuspäi Gra-usadibas (nüg. Sen-Lu-de-Varenn-kund, Burgundii, Francii). Hond lad telustab kacelta detalid, no voib nähta kaht seinäd i miččen-se sauvusen katust. Tagamal voib homaita pud i tošt pertid nägujidenke sel'ktas iknoidenke.