Nühaidai

Vikipedii-späi

«Nühaidai» (ven. i ukr.: Нюхач) om ukrainalaine detektivine TV-serial, kudambad FILM.UA-telekompanii tegi vll 2013−2019. Režissör om Artöm Litvinenko. Om kaik fil'mdud nell' sezonad 32 serijoidenke. Sen prem'jerine ozutamine oli vn 2013 kül'mkun 16 päiväl ukrainalaižel ICTV-kanalal. Vn 2013 16. päiväl tal'vkud serialan ezmäine serii om ozutadud venälaižel Ezmäižel kanalal-ki. Hot' serial om ukrainalaine dai om fil'mdud Kijevas, sen originaline kel' om venän kel'.

Nühaidajan päroliš om estilaiž-venälaine akt'or Kirill Käro.

Süžet[vajehta | vajehtada tekst]

Pägerojal Nühaidai-kucundnimen al (todesine nimi om tundmatoi) om ülämujai nühaind, hänele ei ol'goi peitust. Nühaidai voib sanuda kaiked kaikuččen ristitun polhe hajun mödhe: hänen sömižes, armastuzelos, om-ik ristitul alibi. Ei niken voi manitada Nühaidajad. No hän om kaičematoi mail'male sen erazvuiččidenke hajuidenke: ozutesikš, Nühaidajale ei voi tehta sürpriz, kaikenvuitte čurahine haju voib heitta hänen laptha romantižes vastlendaspäi. Gerojan järgeližusetoi mahtuz — hänen lahj dai soiverduz, hänel elo om löumai, no mel'hetartui.

Znamoičend[vajehta | vajehtada tekst]

Ukrainas da Venämas serial oti lujas korktad reitingad. Venämas se oli kaikiš populärižemb serial 2013/2014-sezonas, mugažo vn 2013 kaikiš reitingaižemb material Venäman televizijal; ezmäižen kahten serijan (1. sezon) reiting oli 11.6 % (auditorii vanhemb mi 18 vot) TV-efiran aigan jagusenke 29.9 %-oid.

Irdkosketused[vajehta | vajehtada tekst]