Pert'kulun sild

Pert'kulun sild vn 2017 heinkus

Pert'kulun sild (ven.: Дворцовый мост) om Venäman vižkeskustaine kuz'avtoteine avaiduzsild Piterin keskuzpalas, Nevas (Sures Nevas) päliči. Sildan avaitud keskuzpala om lidnan ühteks simvolišpäi. Stroican sild om saudud ülezjogen, Blagoveššenjan sild sijadase mödvedhe.

Sauvuz om avtoiden da jaugnikoiden täht. Vl 1997 heittihe tramvaiteid järgenduseližen rekonstrukcijan aigan.

Sijaduz

Sild sijadase lidnan Keskuzrajonan, Admiralteiskii-rajonan i Vasileostrovskii-rajonan röunal. Sauvuz ühtenzoitab Pert'kulun kujod Admiralteiskii-sarel Biržan torgunke da Universitetan randirdanke Vasil'jevskii-sarel.

Istorii

Pordaigaline ehtatim pulloišpäi oli ezmäižeks sildaks vspäi 1856. Om nimitadud lähižen Tal'veližen pert'kulun da randirdan mödhe. Ezmäine lidnas elektrine pidatuz oli kodvdud sildal vl 1878. Kaikenaigaine nügüdläine sild om metalline, se om saudud vozil 1911−1916.

Sild oli nimitadud Tazovaldkundan sildaks (ven.: Республиканский мост) vozil 1917−1944, sil aigalpäi nimitase nügüdläižikš. Vl 1967 sild eli sures kohenduses läbi.

Ümbrikirjutand

Sild om 255 m pitte da 27 m levette. Keskustoiden pidused: 39, 47, 59, 47 i 39 metrad (231 m ühtheverzin).

Jäl'gmäine rekonstrukcii mäni vozil 2012−2013. Tähäsai oigedrandaližed alused seištas puvajil.

Kacu mugažo

• Pert'kulun torg

Irdkosketused

• Pert'kulun sild Piterin Mostotrestan saital (mostotrest-spb.ru). (ven.) (angl.) (kit.)