Phh. Pedroin da Pauloin jumalanpert' (Pargolovo)

Phh. Pedroin da Pauloin jumalanpert' Pargolovos (Piter), vn 2010 nägu

Sil sanal voib olda toižid znamoičendoid; miše nähta niid, tulgat tänna.

Phh. Pedroin da Pauloin jumalanpert' (ven.: Церковь Петра и Павла в Парголове) om Venäman ortodoksižen hristanuskondan jumalanpert' Pargolovo-žilon Šuvalovan puištos, žilo mülüb Piterin Viipurin rajonha. Pühäpert' om letud voziš 1831−1846, Aleksandr Brüllov oli sen arhitektoran.

Istorii

Jumalanpert' om saudud neogotik-stiliš, puišton ülüdel. Vll 1935−1991 kävutihe pühäpertid toižikš, edel Sured sodad sanatorijan fiziokabinet radoi siš. Suren sodan aigan pühäpert' ei olend muretud, i vspäi 1948 Korktan paksuden joksusiden tedoinstitut V. P. Vologdinan nimed valdoiči sauvusel, sen kodvlaboratorii radoi. Jumalanpertin rekonstrukcii oli planiruidud, no vitkotihe sidä toižiden objektoiden udessündutamižele olendan tagut, i pühäpert' seižui okaidud hätken aigan, sen katuz mureni.

Jumalanpert' oli alištunu rekonstrukcijale vll 1988−1994. Sauvuz om anttud jumalankodikundale tagaz vl 1991.

Ümbrikirjutand

Pühäkaluiden keskes oma:

• phh. Pedroi- da Pauloi-apostoloiden i Mikulai-čudonsädajan hibjoiden palaižed;
• ph. Serafim Sarovalaižen jumalaine mantijan palaiženke, se om pühästadud hänen hoštusen tedotusen päiväl vl 1903.

Jumalanpertin nügüdläine pap' om Siluan-igumen (Tumanov) vspäi 2014.