Plačido Mikele

Plačido Mikele
ital.: Michele Placido
Mikele Plačido Italijas, vn 2008 kezaku
radmižen toižend:	fil'moiden režissör, akt'or, scentarist, filminäitleja, režissöör
sündundan dat:	19. semendku 1946(1946-05-19) (78 vot)
sündundan sijaduz:	Ascoli Satriano[d], Foggia provints[d], Apuulia[d], Italii
valdkund:	Italii
Plačido Mikele VikiAitas

Mikele Plačido (ital.: Michele Placido; sünd. 19. semendku 1946, Askoli-Satriano, Italii) om italijalaine kinoakt'or da režissör.

Biografii

Plačido om sündnu Askoli-Satriano-lidnha. Armijan služindan jäl'ghe radoi Riman policijas.

Mikele om mel'dünu teatrha, sid' openui Draman čomamahton Akademijas. Sai mail'man tetabut Korrado Kattani-komissaran rolin jäl'ghe televizijan «Sprut»-serialas, kudambas Plačido edesti rolid nell' ezmäšt sezonad (kaik niid om 10). «Sprut»-serial oli lujas populärižen Nevondkundaližes Ühtištuses.

Kanz

Akt'or om naižiš koumanden kerdan. Federika Vinčenti om hänen nügüdläine ak, aktris. Mikelel viž last om olmas: Violante-tütär (kahtendes naindaspäi, sünd. 1976), Mikelanželo-poig (kahtendes naindaspäi, sünd. 1990), Marko Brenno-poig (kahtendes naindaspäi, sünd. 1991), Inigo-poig (sündnu naindata vl 1988) da Gabriele-poig (koumandes naindaspäi, sünd. 2006). Tütär jätktab tatan radod, radab aktrisan mugažo.

Valitud fil'mografii

• «Sünd-sötai, min kartte olen pästnus!» (Mio Dio, Come Sono Caduta In Basso!, 1974) — Sil'vano Pennacčini
• «Rahvahaline roman» (Romanzo popolare, 1974) — nor' Džovanni Picullo-policijalaine
• «Sobat, pühäpäiv da pätnič» (Sabato, domenica e venerdì, 1979) — Mario
• «Sprut» (La Piovra, 1984−1989, TV-serial) — Korrado Kattani-komissar
• «Voi, mugomad hüväd nene vauktad ristitud!» (Come sono buoni i bianchi, 1988) — Mišel'
• «Tundmatoi naine» (La Sconosciuta, 2006) — Muffa
• «Baarija» (Baarìa, 2009) — kommunist
• «Armastuz: instrukcii kävutamižes» (Manuale d’am3re, 2011) — Avgusto

Irdkosketused

• Plačido Mikele „Internet Movie Database“-saital (angl.)
• Plačido Mikele „KinoPoisk“-saital (ven.)