Počtamtan sild

Vikipedii-späi
Počtamtan sild vn 2012 heinkus

Počtamtan sild (ven.: Почтамтский мост) om rippui üks'keskustaine metalline jaugnikoiden sild Piterin Admiralteiskii-rajonas, Moik-joges päliči. Fonarnii-sild om ülezjogen, Pocelujevan sild sijadase mödvedhe.

Sild jätktab Pračečnii-kujod i tuleb Surele Meriirdale. Piterin päpočtamtan pert' lidnan noländen kilometran patshanke südäimes om läz sildad, radab vspäi 1714 i andoi nimed sile. Sild om Piterin üks'jäine istorine pidajidenke čepinke, pojaviden Bankan i Levan sildoiden čepil dekorativine funkcii om vaiše.

Istorii[vajehta | vajehtada tekst]

Ezmäine sild oli saudud puspäi nell'kekustaižen 18. voz'sadan lopus. Vozil 1823−1824 uz' sild om saudud čepil kuti Pen' čep'sild Moikas päliči (ven.: Малый цепной мост через Мойку), sid' Jaugnikoiden čep'sild (vspäi 1829) i Pračečnii-sild (vspäi 1849). Vspäi 1851 nimitase nügüdläižikš.

Vl 1905 varmitihe sildad i panihe ližaalusid puspäi. Jäl'ghine sur' kohenduz oli vozil 1981−1983, heittihe puižid ližaalusid, i vaiše čepid metallkvadrantoil pid'oiteldas sildad kut oli-ki meletadud eziauguižešti projektan mödhe.

Vn 2003 suren kohendusen aigan čepid oma vajehtadud, tehtihe niid pol'tošt kerdad sanktemb. Sen kohendusen projekt i raddokumentacii oma sätud «Institut "Stroiprojekt"»-organizacijal, inžener Ju. B. Devičinskii.

Konstrukcii[vajehta | vajehtada tekst]

Sild om 42 m pitte i kahten metrad levette, rippub čepil. Astužnikoiden pala om tehtud teraraudbalkoišpäi 30 sm sankte. Alused oma kivižes panegespäi vajil. Tagodud čomamahtoine raudasine segluz om sildan kaičijaks röunaks.

Irdkosketused[vajehta | vajehtada tekst]