Kahtenz' model'

Vikipedii-späi
(Oigetud lehtpolelpäi Toine model')

«Kahtenz' model'» (angl.: Second Variety) om amerikaižen Filip Dik-kirjutajan (1928−1982) postapokaliptine tedoližfantastine sanutez.

Säduz om publikoitud ezmäižen kerdan amerikaiž-britanižes Space Science Fiction-aiglehteses (oli olmas vll 1952−1953) vn 1953 semendkul, sid' oli pästtud erazvuiččiš anglijankel'žiš kogodusiš enamba kümned kerdad. Sanutez om ekraniziruidud vl 1995, kanadiž-amerikaine fantastine «Kidastajad»-torafil'm (angl. Screamers) oti sanutesen süžetad aluseks.

Süžet[vajehta | vajehtada tekst]

Sanutez ümbrikirjutab, kut Ma kattase tuhkal i kändase sättutomaks elon täht Nevondkundaližen Ühtištusen atomsodan jäl'ghe AÜV:oid vaste. Jänuzile elegiš ristituile grazib likvidacii ičeopenujil i paremboičijoil torarobotoil.

Starinoičese, miše robotad oliba sätud ÜRO:n armijal toradamha nevondkundaližid sodavägid vaste. Robotad oma ristitunvuiččed kahtendes pol'vespäi augotaden i muga zavodihe torata ristituiden molembid polid vaste, mugažo robotoiden toižed modelid kačusteldas toižid.

Irdkosketused[vajehta | vajehtada tekst]

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.