Tulleihein
| Tulleihein | ||||||||||||
|---|---|---|---|---|---|---|---|---|---|---|---|---|
 Anemone coronaria om Tulleiheinän tipine erik | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Anemóne L., 1753 | ||||||||||||
|
Tulleihein vai Anemon (latin.: Anemone), mugažo Loptuhhein paginoiš, om Evropan äivoččiden heinäsižiden kazmusiden heim. Se mülütab läz kaht sadad erikoid, mülüb Vesnuhheinižed-sugukundha.
Leviganduz[redaktiruida | redaktiruida purde]
Heimon erikod oma levitadud Pohjoižes mapoliškos päiči tropikoiš, ühesa erikod elädas Arktikas. Tulleiheinäd kazdas mecoidme (lehtezmecoidme tobjimalaz), penzhištoil, pidust' mecanröunoid, puištoiš, pustolänil, pil'vesekahil i subal'pižil nituil, heinäsižil pautkil. Läz 50 erikod voib löuta Venämas.
Ümbrikirjutand[redaktiruida | redaktiruida purde]
Tedonimituz libub grekan kelen Άνεμος Anemos-sanaspäi «tullei», surehk änik köläidab hoikal vardel eskai penel tulleil. Jurišt om lihav, cilindranvuitte vai mugulanvuitte. Loptuhheinän lehtesed kazdas varzil paksumb mu jurespäi.
Kaks'suguižed änikod kazdas üksin vai änikusil. Änikuses oleleb 5..20 äniklehtest erazvuiččen mujun (vauged, purpurine, sinine, vihand, pakuine, ruskedvauvaz, rusked). Plodud oma pähkmenvuiččed, siledad vai karvakahad. Äikerdoitas kul'turkazmusid jurusel, muguloil, seikhen čokvezoil.
Valitud erikod[redaktiruida | redaktiruida purde]
- Anemone baicalensis — Baikaline anemon
- Anemone coronaria — heimon tipine erik
- Anemone nemorosa — Kül'mänik
- Anemone ranunculoides — Viluänik
- Anemone uralensis — Uraline tulleihein
Homaičendad[redaktiruida | redaktiruida purde]
 |
Tulleihein Vikiaitas |