Uppsal

Uppsal
Uppsala
	Lidnanznam;
Valdkund	Ročinma
Eläjiden lugu (2020)	166,698 ristitud
Pind	43,23 km²
Telefonkod	+46-(0)18
Aigvö	tal'vel UTC+1,; kezal UTC+2

Uppsal (roč.: Uppsala [ˈɵ̂pːˌsɑːla] «Üläkodi») om Ročinman universitetine lidn valdkundan suvipäivnouzmas. Se om Uppsalan agjan administrativine keskuz, Ročinman nellänz' lidn eläjiden lugun mödhe.

Istorii

Eländpunktan aluz om pandud 5. voz'sadal meiden erad. Vanh Uppsal paloi vl 1245, i nimitihe Estra-Aros-eländpunktad Uppsalaks vides kilometras suvhe. Kaikiš amuižemb valdkundas Uppsalan universitet zavodi radod vl 1477.

Uppsal šingotase zelliden (Pfizer) i medicinižiden ladimiden (Fresenius) pästandal, kofen pakuitesel, medicinižil tedoidusil.

Geografijan andmused

Lidn sijadase agjan suves, Füris-jogen randoil, 15 m ü.m.t. keskmäižel korktusel.

Matkad Stokhol'mhasai om seičemekümne kilometrad suvhe. Stokhol'm-Arland-lendimport om koumekümnes vides kilometras suvipäivnouzmha.

Klimat om ven. Voden keskmäine lämuz om +7,1 C°, heinkun-elokun +17..+18 C°, tal'vkun-uhokun −1..−2 C°. Ekstremumad oma −39 C° i +37 C°. Voib panda halad kaiken kezan aigan. Paneb sadegid 565 mm vodes, enamba elokus (74 mm), vähemba vilukus-semendkus (29..39 mm kus).

Eläjad

Vl 2010 lidnan eläjiden lugu oli 140,454 ristitud 48,77 km² pindal. Kaikiš suremb lidnan ristitišt om nügüd', agjan kaks' koumandest. Äi eläjid ajeltas radmaha Stokhol'mas.

Lidn om lüteranižen Ročinman jumalankodikundan keskuseks. Lüteranine üläškol, katoline Njumen-institut, vižkümnenden päivän jumalankodikundan seminarii i «Elon sana»-universitet ratas lidnas. Üläopendusen kudenz' aluzkund om Ročinman maižanduzuniversitet (SLU).

Galerei

Lidnan tobmuden sauvuz (Stadshuset, kezaku 2015)
Lidnan kafedraline päjumalanpert' (lüteranine, om saudud vll 1287−1435), vn 2015 elokun nägu
Kommertine keskuz vn 2016 uhokus
Uppsalan universitetan kirjišt (2023)
Uppsala Konsert & Kongress (vai Musikens hus, 2008)
Uppsal Keskuzline-päraudtestancijan vanh i uz' (vn 2010) sauvused, sügüz'ku 2011

Irdkosketused

Lidnan da sen kommunan oficialine sait (uppsala.se). (roč.) (suom.) (+ erased lehtpoled toižil kelil)

Uppsal Vikiaitas