Veihai

Vikipedii
Mine navigeerimisribale Mine otsikasti
Veihai
威海市
Valdkund Kitai
Eläjiden lugu (2020) 2,906,548 ristitud
Pind 5,797 km²
Veihai 威海市
Telefonkod +86−631
Aigvö UTC+8


Veihai (kit.: 威海市, pin'jin': Wēihăi Shì) om lidn, lidnümbrik da meriport Kitain päivnouzmas, mülüb Šan'dun-agjaha.

Istorii[redaktiruida | redaktiruida purde]

Vll 1890−1930 Veihaivei-territorii (kit.: 威海卫) oli Suren Britanijan kortomas i nimitihe lidnad Port Edvard:aks (angl.: Port Edward). Om Kitain lidnan oficialiženke statusanke vspäi 1951. Lidnümbrik om olmas vspäi 1987.

Veihai šingotase industrijan koumel zonal (oma zavottüd vll 1991, 1992 i 2000), kalanümbriradmižel i turizmal, maižandusel (pähkmed, fruktad).

Geografijan andmused[redaktiruida | redaktiruida purde]

Lidn sijadase agjan pohjoižpäivnouzmas, Šan'dunan pol'sarel, Pakuižen meren randal. Röunatab Jan'tainke päivlaskmas.

Klimat om ven ümbärdajan meren valatoitandanke, kovad tulleid oma paksud. Voden keskmäine lämuz om +12,5 C°, heinkun-elokun +24..+25 C°, tal'vkun-uhokun −1..+2 C°. Paneb sadegid 680 mm vodes, enamba heinkus-elokus (308 mm pordos), vähemba tal'vkus-keväz'kus (13..22 mm kus).

Veihain lidnümbrik jagase kahteks lidnrajonaks (环翠 Huan'cui i 文登 Ven'den) da kahteks lidnmakundaks. Ned alajagasoiš 66 ühtnikaks: 52 žilod i 14 irdkomitetad.

Eläjad[redaktiruida | redaktiruida purde]

Vn 2010 Kitain rahvahanlugemižen mödhe lidnümbrikon eläjiden lugu oli 2 804 771 ristitud, sidä kesken kahten lidnrajonan — 1,5 mln ristituid.

Viden universitetan kampusad (Šan'dun-agj, Harbin, Pekin) oma avaitud lidnümbrikos.

Irdkosketused[redaktiruida | redaktiruida purde]