A7V

A7V (saks.: Sturmpanzerwagen A7V) — Germanijan jüged tank Ezmäižen mail'man voinan aigan. Germanijan imperijan ezmäine serine tank. Vozil 1917−1918 oliba tehtud vaiše 20 mašinad.

Tehnižed harakteristikad

Tegii — Daimler-Motoren-Gesellschaft
Ekipaž — 16..26 mest
Motor — kaks' «Daimler»-motorad
Poltuz — Benzin-Benzol-Segoituz
Piduz — 7,35 m
Leveduz — 3,06 m
Korktuz — 3,35 m
Täuz' veduz — 30 t
- Bronin veduz — 8,5 t
- Azegen i azegvaroiden veduz — 3,5 t
Bron':
- Edespäi — 30 mm
- Polišpäi — 15 mm
- Pälpäi — 6 mm
- Pohj ezipalas — 10 mm
Azeged — üks' 5,7 sm bel'gijalaine juraižim, 7 pul'kančudint
Azegvarad — 180 vai möhemba 300 granatad 5,7 sm; 18.000 pul'kančudimpatronad
Sauvondmänetused — 250.000 gol'dmarkad (tämbei nece om läz 390.000 evrod)

Kaikiden A7V-tankoiden nimikirjutez i toraine istorii

Šossin nomer	Nimi vai nimed	Istorii
501	«Gretchen»	«Naižiden» konfiguracijan üks'jäine A7V (vaiše pul'kančudimidenke), no kezal 1918 se oli ližatud juraižimel. Vastsi voinan lopun armijas.
502/503	«Faust», «Kronprinz Wilhelm», «König Wilhelm», «Wilhelm»	Se oli pandud 503-šossile jäl'ges vn 1918 keväz'kud 502-šossin defektad. Oli anastadud vihankandajal vn 1918 redukus, sid' linni britanijalaižiden trofejaks.
504/544	«Schnuck»	Oli pandud 504-šossile jäl'ges 544-šossin defektad. 31. elokun 1918 oli anastadud vihankandajal läz Fremikurad (kahten oiktan artillerižen ozaidusen jäl'ghe), sid' linni britanižeks trofejaks. Vl 1919 oli ottud murendusele. Sen päjuraižim om varatud, nügüd' se ozutase Mančesteran muzejas.
505	«Baden I», «August Wilhelm von Preußen»	Vastsi voinan lopun armijas.
506	«Mephisto»	Oli anastadud vihankandajal läz Vil'jer-Bretonod 24. sulakun 1918, siloi oli avsralijalaižen da uz'zelandijalaižen trofejaks. Tämbei ozutase Brizbanan muzejas.
507	«Cyklop», «Eitel Friedrich»	Vastsi voinan lopun armijas.^[1]
525	«Siegfried»	Vastsi voinan lopun armijas.
526		Pölištui toras.
527	«Lotti»	Vajui tahondha 1. heinkun 1918 läz Reimsad, siloi sai völ üks' artillerine ozaiduz čuhundushe. Vl 1922 oli ottud murendusele
528	«Hagen»	Vajui tahondha 31. elokun 1918 läz Fremikurtad i oli anastadud, linni britanižeks trofejaks. Vl 1919 oli ottud murendusele.
529	«Nixe II»	Oli anastadud vihankandajal läz Reimsad vn 1918 31. päiväl semendkud, linni amerikaižeks trofejaks. Siloi oli sijatud muzejha Aberdinas. Vl 1942 oli ottud murendusele.^[2]
540	«Heiland»	Vastsi voinan lopun armijas.^[3]
541		Vastsi voinan lopun armijas.
542	«Elfriede»	24. sulakun 1918 oli vigastadud läz Vil'jer-Bretonod. Vn 1918 redukus linni francižeks trofejaks, oli ozutadud Parižas, vl 1919 oli ottud murendusele.
543	«Hagen», «Adalbert»	Vn 1918 sulakuhusai nimi oli «Bulle» ezimeletaden. Vastsi voinan lopun armijas.^[4]
560	«Alter Fritz»	Sai granatan ozaidusen, sikš oli okaidud ekipažal i poukahtudud vn 1918 11. päiväl redukud läz Ivüid.^[5]
561	«Nixe»	Oli okaidud pöudho vigan i varadetaliden olmatomusen tagut vn 1918 24. päiväl sulakud.^[6]
562	«Herkules»	Pölištui toras, siloi linni britanižeks trofejaks.
563	«Wotan»	Vastsi voinan lopun armijas.^[7]
564	«Prinz Oskar»	Vastsi voinan lopun armijas.

Galerei

A7V hizaidab toran pöudodme
A7V «Siegfried» ičeze ekipažanke, vn 1918 heinku
A7V ičeze ekipažanke, 21. keväz'ku 1918
A7V «Elfriede»
A7V «Wotan» (rekonstrukcii) Germanijan Tankmuzekas
A7V «Mephisto» muzejas. Tank om todesine, vaiše mujund om uz'

Homaičendad

Irdkosketused

A7V «Mephisto» Brizbanan muzejas (ammsbrisbane.com). (angl.)

A7V Vikiaitas

[1] «Cyklop» vedandan aigan. — Pro-tank.ru.

[2] «Nixe II:n» foto. — Pro-tank.ru.

[3] «Heiland» ekipažanke. — Pro-tank.ru.

[4] «Adalbert» gemonstracijan aigan. — Pro-tank.ru.

[5] «Alter Fritz:an» foto. — Pro-tank.ru.

[6] «Nixe» vedandan aigan. — Pro-tank.ru.

[7] «Wotan:an» ohjanduzpunkt. — Pro-tank.ru.

[1]

[2]

[3]

[4]

[5]

[6]

[7]

L • D • R Ezmäižen mail'man voinan tankad
Britanii	Mark I · Mark II · Mark III · Mark IV · Mark V · Mark IX · Medium Mark A (Whippet) · Medium Mark B · Medium Mark C · Medium Mark D
Germanii	A7V
Francii	Schneider CA1 · Saint-Chamond · Renault FT
Italii	Fiat 2000