Ahmedabad

Ahmedabad (veps. i angl.)
अहमदाबाद (hindi)
અમદાવાદ (gudžarati)
Valdkund	Indii
Eläjiden lugu (2016)	7,645,000 ristitud
Pind	464,16 km²
Telefonkod	+91−79
Aigvö	UTC+5:30

Ahmedabad (mugažo anglijan kelel, virktas [ˈɑːmədəbæd, -bɑːd]; hindi: अहमदाबाद Ahmadābād, gudžarati: અમદાવાદ Amdāvād) om lidn Indijan päivlaskmas. Se om valdkundan videnz' lidn eläjiden lugun mödhe, Gudžarat-štatan kaikiš suremb lidn.

Istorii

Eländpunktan aluz om pandud vl 1411 nügüdläiženke nimitusenke läz 11. voz'sadan Karnavati-lidnad. Vll 1960−1970 oli štatan pälidnaks.

Ahmedabad šingotase tekstil'fabrikoil (puvillkangaz), juvelirtöil, avtosauvomižel (Tata Motors), zell'tegimištol, IT-kompanijoil, mugažo Indijan kahtenz' igäl fondbirž radab lidnas. Lidnan kogosüdäiprodukt oli US$64 mlrd vl 2014.

Geografijan andmused

Lidn sijadase štatan keskuzpalan pohjoižpäivnouzmas, tazangištol, Sabarmati-jogen randoil (391 km pitte, lankteb Arabijan merhe), 53 m ü.m.t. keskmäižel korktusel. Matkad štatan Gandinagar-pälidnhasai om 23 km pohjoižhe.

Klimat om räk tropižen savannan lühüdanke vihmsezonanke, päivoikaz päiči siš. Voden keskmäine lämuz om +27,8 C°, sulakun-kezakun +31,9..+34,5 C°, +20,1..+22,8 C°. Ekstremumad oma +2,2 C° (uhoku) i +48,0 C° (semendku). Il'man lämuz voib ületada +35 C° miččel taht kul, ei voi olda madalamb mi +19 C° semendkus-elokus. Paneb sadegid 784 mm vodes, enamba heinkus-elokus (242..310 mm kus), kuiv sezon oleskeleb kül'mkus-semendkus (13 mm pordos).

Eläjad

Vn 2011 Indijan rahvahanlugemižen mödhe lidnan eläjiden lugu oli 5 633 927 ristitud, lidnaglomeracijan — 6,3 mln ristituid. Kaikiš suremb lidnan ristitišt om nügüd'.

Transport

Metro om sauvomas lidnas vspäi 2015, ezmäine jono radab vspäi 2019 (6 km pitte). Avtokiruhte nomer 8 ühtenzoitab Mumbainke i Delinke, päraudtestancii om olmas.

Rahvahidenkeskeine civiline lendimport enččen Sardar Vallabbhai Patel-päministran nimed (AMD, 11,1 mln matknikoid vl 2018) sijadase ühesas kilometras pohjoižhe lidnan keskuzpalaspäi. Tehtas reisid Persijan lahten maihe, Singapurha i Indijan äjihe lidnoihe.

Homaičendad

Irdkosketused

Lidnan oficialine sait (ahmedabadcity.gov.in). (angl.)

Ahmedabad Vikiaitas