Beinbridž (Džordžii)

Beinbridž
Bainbridge
Valdkund	AÜV
Eläjiden lugu (2020)	14,468 ristitud
Pind	52 km²
Pämez'	Sil'vija Vašington; (viluku 2026—,; Sylvia Washington)
Telefonkod	+1−229
Aigvö	tal'vel UTC−5,; kezal UTC−4

Sil sanal voib olda toižid znamoičendoid; miše nähta niid, tulgat tänna.

Beinbridž (angl.: Bainbridge) om AÜV:oiden lidn Džordžii-štatan suvipäivlaskmas. Se om Dekeiter-ümbrikon administrativine keskuz da pala.

Istorii

Ezmäine evropalaižiden žilo oli olmas kut torguindpost 18. voz'sadan lopus, Džeims Bördžes (James Burges) pani sen alust. Eländpunkt om registriruidud oficialižeks vn 1829 22. päiväl tal'vkud. Nimitihe AÜV:oiden sodamerivägiden Uil'jam Beinbridž-kommodoran (William Bainbridge) kanzannimen mödhe, mez' oli USS Constitution-purehlaivan käsknikan. Beinbridž om Dekeiter-ümbrikon keskuseks ümbrikon alusenpanendan aigaspäi vll 1823−1824.

Beinbridž šingotase aviacijan holitišiden parkan i jogiportal (merilaivad-ki voidas ujuda sihesai), opendusen i kul'turan (kuvagalerei, pen' teatr) aluzkundoiden sijaližeks keskuseks.

Geografijan andmused

Lidn sijadase ümbrikon keskuzpalas, Flint-jogen randal (240 km pitte, mugažo anglijan kelel, Meksikan lahten bassein), läz sen jogensud, 37 m ü.m.t. keskmäižel korktusel. Beinbridžan saum vezid om kuz' procentad (3,1 km²).

Matkad Florid-štatan Tallahassi-pälidnhasai om seičemekümne kilometrad suvhe.

Tobmuz

Edeline lidnan pämez' om Edvard Reinolds-nrmb (Edward Reynolds Jr.).

Eläjad

Vn 2010 AÜV:oiden rahvahanlugemižen mödhe lidnan eläjiden lugu oli 12,697 ristitud, vn 2020 — 14,468 ristitud. Kaikiš suremb lidnan ristitišt oli 12,714 eläjad vl 1960 i om nügüd', ümbrikon läz pol't.

Vn 2020 rahvahanlugemižen mödhe lidnalaižiden keskes ristitud afrikan augotižlibundanke oma enambuses (nell' seičemendest), evropalaižed otiba 35 %, ispanijan i latinan augotižlibundanke — viž procentad, toiženke i segoitadud augotižlibundanke — nell' procentad.

Galerei

Lidnan tobmuden sauvuz (2013)
Dekeiter-ümbrikon käskuzkund (2013)
Keskuzline metodistine jumalanpert', vn 2011 uhokun nägu
Keskuzline baptistine jumalanpert', vn 2011 uhokun nägu
Beinbridž-lidnan High School (školan 9.-12. klassad i profopenduz, eloku 2014)

Irdkosketused

Beinbridž (Džordžii) Vikiaitas