Bukačkulu (fil'm)
| Režissör | Klod Zidi |
| Aktörad | Žan-Pol' Bel'mondo |
| Muzikankirjutai | Vladimir Kosma |
| Žanr | komedii |
| Studii | Cerito Films, Les Films Christian Fechner |
| Voz' | 1977. |
| Piduz | 91 minutad |
| Valdkund |  Francii
|
| Kel' | francijan kel' |
| IMDb | ID 0075683 |
| KinoPoisk | ID 43911 |
Bukačkulu (franc.: L'animal) om Francijan fil'm-komedii Žan-Pol' Bel'mondonke kahtes roliš. Ezmäine ozutez Francijas oli vl 1977, NSTÜ:s — vodel 1979 («Mosfil'm»-studijan dubläž).
Süžet
[vajehta | vajehtada lähtetekst]Mišel' Goše-kaskadör (Žan-Pol' Bel'mondo) ištub radmata professijan mödhe i otab mittušt taht tošt radod. Sen tagut hätken varastadud sajan vändan päiv i otand Džein Gardner-kaskadörnašt akaks ei olend sü pučindan täht äkkiližikš sadud radospäi, i ani tel merijannoks oluhased tuldas ajaden fil'mdandan lavudehe tehmaha kaskadöran trükad. Džein ei olend kursas edelpäi i sädi skandalad Mišelin edes hänen avton ohjastandan aigan. Nored putuiba avarijha, saiba äiluguižid travmoid i venuiba läžundkodiš. Džein okaib varulišt radod i oluhad spravitandan jäl'ghe.
Kacmata sajan kilha, Mišel' sab ližakast taričendad italižes režissöraspäi, kudamb tuli Francijha fil'mdamha ut torafil'mad. Mail'man tetab Bruno Ferrari-akt'or (Žan-Pol' Bel'mondon kahtenz' rol') vändab pärolid fil'mas, hän om millioniden naižid favorit i Mišelin pojav lujas. Taritas Mišelile dubliruida Brunod varuližiš scenoiš. Mišel' ecib Džeinad taričemha hänele radod fil'mas i löudab händast De Sen Pri-grafan zamkas, graf om noidustadud naižen čomudel i takaib otta Džeinad akaks. Džein andab hökkahtust ühtnemižele fil'mas Mišelinke vanhan sebrusen alusel. Fil'mdandan aigan naine zavodib vastata režissöran tarkust pahidoičemha ičeze endišt oluhad, sil-žo aigal Mišel' kävutab pojavut i ozutase Brunoks, miše tedištada Džeinan tahtoid.
Žan-Pol' Bel'mondo tegi fil'man kaskadöran trükoiden enambust iče, sai äiluguižid travmoid sen taguiči.
Rolid
[vajehta | vajehtada lähtetekst]- Mišel' Goše / Bruno Ferrari — Žan-Pol' Bel'mondo
- Džein Gardner — Rakel' Uelč
- Jasent — Šarl' Žerar
- Fil'man prodüser — Žul'jen Gijomar
- Serdžio Kampaneze — Al'do Mačone
- Doris — Deni Saval'
- Sen-Pri-graf — Raimon Žerom
- Džein Birkin-kinotähthaine — edestab ičtaze
- Džonni Hollidei-kinotähthaine — edestab ičtaze