Emi S'juzi
| Emi S'juzi | |
| radmižen toižend: | |
|---|---|
| sündundan dat: |
17. sulaku 1981 (43 vot) |
| sündundan sijaduz: |
London, Suur-London[d], London[d], Sur' Britanii |
| valdkund: | |
.svg){kind=small}
S'juzi Emi (angl.: Susie Amy; sünd. 17. sulaku 1981, London, Sur' Britanii) om britanijalaine (anglijalaine) aktris, model' da blogger.
Biografii
[vajehta | vajehtada lähtetekst]Om sündnu Londonha vl 1981, Rahvahaližiden penziifondoiden associacijan Ron Emi-ezimehen i alaškolan Evelin Emi-opendajan kanzha. Vanhembad eriganziba, i S'juzi jäi elämaha tatanke da emindamanke. Hänel om Linn-sizar mugažo, kudamb om genetikantedomez'. S'juzi openzihe Uil'jam Perkinz-seran kolledžas da Strod-kolledžas, molembad sijadasoiš Surrei-grafkundas.
Aktris radoi Kunigahan rahvahanteatras. Vl 2001 fil'mzihe «Futbolistoiden akad»-serialas; Emi kändihe populärižeks todesižišti arni Šardonen rolin tagapäi neciš serialas. Hänen toižed tetabad radod oma «Modil'jani»-, «Madamuazel' Mušketör»- (pärol') da «Surmanlabirint»-fil'miš. Edestab TV-serialoiden rolid tobjimalaz.
S'juzi om tetab mugažo kut model'. Hän vedab ičeze modakaz blusherandblogging.com-blog.
Besedoiči irlandiženke Rob Kerni-regbinvändajanke koume vot, vhesai 2012. Vastlese Džetin Džons-TV-vedajanke.
Täuz' fil'mografii (serialoid lugemata)
[vajehta | vajehtada lähtetekst]- «Sirenad» (2002) — Helen Grei
- «Modil'jani» (2004) — Beatris Hastings
- «Surmanlabirint» (2004) — Kler Livi
- «Madamuazel' Mušketör» (2004) — Valentina D'Artan'jan
- «Kaks' kanzad» (2007) — Džulija
- «Lesbi-vampiroiden rikojad» (2009) — vaugedverine naine
- «Psih 9» (2010) — Anne Marks
- «Sutenör» (2010) — Temmi
- «Sidotud verel» (2010) — Donna Džagger
- «Armastada kuti hän» (2012) — mam
- «Hillüden časud» (2015) — Rozmari Kaltorp
Arvlahjad
[vajehta | vajehtada lähtetekst]- «TRIC Award» — Uz' TV-talant (2003)
Irdkosketused
[vajehta | vajehtada lähtetekst]- Emi S'juzi „Internet Movie Database“-saital (angl.)
- Emi S'juzi „KinoPoisk“-saital (ven.)