Göteborg

Vikipedii
Hüpähtada: navigacii, Ecind
Göteborg
Lidnanznam
Göteborg kommunvapen - Riksarkivet Sverige.png
Valdkund Ročinma
Eläjiden lugu (2016) 558 638 ristitud
Pind 203,67 km²
Göteborg
Pämez' Enn-Sofi Hermansson (2 016—)
Telefonkod +46-31
Aigvö tal'vel UTC+1 
kezal UTC+2


Göteborg (mugažo ročin kelel, virktas [jœte'bɔrj]) om lidn da jädumatoi port Ročinman suvipäivlaskmas. Se om kahtenz' surtte lidn valdkundas, mülüb Vestra Götaland-agjaha (lenha) i om sen administrativižeks keskuseks.

Istorii[redaktiruida | redaktiruida purde]

Nügüdläižen eländpunktan aluz om pandud vl 1619. Ročilaine Gustav II Adol'f-kunigaz sirdi lidnad muretud danijalaižil sijaspäi, Hisingen-sarespäi jogensus. Hän andoi lidnale oiktusid da vällendusid valdkundmaksoiš vl 1621. Göteborg šingotaškanzi kuti torguindmeriport tavaroidenke Päivnouzmmaspäi. Vspäi 1643 19. voz'sadan augotišhesai luja lidnuz abuti kaita lidnad anastandad vaste, sid' ročilaižed murenzihe varmitesid.

Geografijan andmused[redaktiruida | redaktiruida purde]

Lidn sijadase mererandal da Göta-El'v-jogensus, Kattegat-sal'men randal Baltijan meren da Pohjoižen meren keskes (Danii om vastrandal), 12 m keskmäižel korktusel valdmeren pindan päl. Matkad Stokhol'mhasai om 390 km pohjoižpäivnouzmha orhal, 470 km avtotedme vai raudtedme.

Klimat om ven meren. Voden keskmäine lämuz om +7,9 C° (viluku-uhoku –0,2 C°, heinku +17,1 C°). Paneb sadegid 759 mm vodes, penemba kaiked uhokus-semendkus (40-50 mm kus).

Eläjad da ižanduz[redaktiruida | redaktiruida purde]

Vl 2013 eläjiden lugu oli 533 271 ristitud. Lidnan ristitišton nelländez om sündnu toižihe maihe da tuli Ročinmaha. 1 mln ristituid eläb ezilidnoidenke 3,7 tuh. km² pindal (2017).

Avtoiden Volvo-kompanijan-tegijan aluz om pandud lidnha vl 1927, sen päofis sijadase Göteborgas nügüd'-ki. SKF- (pörutüged) i Ericsson- (elektroladimed) kompanijoiden järedad tegimed oma lidnas. 1970-nziden voziden lophusai Göteborg oli mail'man lideraks laivansauvomižes.

Tramvaid, avtobusad, motorvenehed da ehtatimed oma kundaližeks transportaks lidnan südäimes, ezilidnelektrojonused — ezilidnoiš. Rahvahidenkeskeine Göteborg Landvetter-lendimport (GOT) sijadase 20 km päivnouzmha lidnan keskusespäi. Sišpäi tehtas reisid kaiked Evropadme, Ročinmadme, jügureisid lähižihe maihe.

Irdkosketused[redaktiruida | redaktiruida purde]


Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.