Gonolulu

Vikipedii-späi
Gonolulu
Honolulu
 Lidnanznam
 Flag
Valdkund Amerikan Ühtenzoittud Valdkundad
Eläjiden lugu (2017) 359,870 ristitud
Pind 68,4 km²
Gonolulu Honolulu
Pämez' Kirk Kolduell
(2010,
viluku 2013—)
Telefonkod +1−808
Aigvö UTC−10


Gonolulu (angl. i gav.: Honolulu, angl. virkand [ˌhɒnəˈluːluː], gavajan [honoˈlulu]) om AÜV:oiden lidn. Se om Havajad-štatan pälidn da kaikiš suremb lidn. Gonolulun ümbrikon administrativine keskuz sijadase neciš lidnas.

Istorii[vajehta | vajehtada tekst]

Ezmäine polinezijalaižiden žilo oli olmas 11. voz'sadal. Vozil 1804−1812 gavajalaižiden Kameamea I-kunigahan rezidencii oli nügüd'aigaižen lidnan Vaikiki-rajonas. Havajad mülüdas AÜV:oihe vspäi 1898.

Nügüdläižen eländpunktan aluz om pandud vl 1906 kuti meriport. Se sai lidnan statusad vl 1907.

Lidn om mail'man järed transportine ristte Tünen valdmeren keskes, turizman keskuz i kurort. Gonolulu šingotase mugažo elektrotehnižen tegimištol, tervhudenkaičendan aluzkundoil, navigacijan kompanijoil i aviakompanijoil, Päivnouzmaižen Azijan tavaroiden terminalil, bankoil (vaiše sijaližed bankad oma olmas saril).

Geografijan andmused[vajehta | vajehtada tekst]

Lidn otab Havajiden sariden Oahu-saren suvipäivnouzmašt palad, sijadase 6 m keskmäižel korktusel valdmeren pindan päl, 250 km suvhe Pohjoižtropikaspäi.

Klimat om tropine päivoikaz, keskmäine lämuz +23..+27 C° vodes läbi. Paneb sadegid 434 mm vodes, kaikiš vähemb sulakus-sügüz'kus (7..18 mm kus). Gonolulu sijadase Koolau-mägisel'gan pautkidenno tulleinalaižes poles, ka paneb sadegid vähän.

Eläjad[vajehta | vajehtada tekst]

Vn 2010 AÜV:oiden rahvahanlugemižen mödhe eläjiden lugu oli 337 256 ristitud. Läz 1 mln ristituid elädas ezilidnoidenke — Gonolulun ümbrikos, se otab Oahu-sar't täuzin.

Lidnan edeline pämez' oli Piter Karlail (2010 reduku — 2013 viluku).

Homaičendad[vajehta | vajehtada tekst]


Irdkosketused[vajehta | vajehtada tekst]