Kodihärg

Kodihärg, Ročinma, 2010

Valdkund:	Živatad
Tip:	Sel'gjäntkeižed (Chordata)
Klass:	Imetaiživatad (Mammalia)
Heimkund:	Šorpkabjaižed (Artiodactyla)
Sugukund:	Pall'azsar'vižed (Bovidae)
Heim:	Todesižed härgad (Bos)
Erik:	Kodihärg

Latinankel'ne nimi

Bos taurus (Linnaeus, 1758)

Areal

Sistematik
Vikierikoiš

Kuvad
Vikiaitas

ITIS 0

NCBI 0

Kodihärg (lühedas härg, latin.: Bos taurus, vai latin.: Bos taurus taurus) om kabjživat, kadonuden mechärgan (latin. Bos taurus primigenius) kodikoittud toižend. Hänen emäč om lehm. Mülütadas Pall'azsar'vižed-sugukundha (Bovidae).

Kodihärgan i lehmän poig om vaza. Kazvanuded poigad: hartak, häčoi, härgvaza (ižačud), lähtan' (emäč). Lehm nimitase lähtan'lehmäks ezmäižen kandandan jäl'ghe, kandand vedase ühesa kud.

Kazvatadas samha lihad i nahkoid, lehmid — maidod-ki.

Kodikoičend

Mechärgan kodikoičemine zavodihe 10..11 tuhad vozid tagaz, sen aigaližil pordhil kodihärgiden sar'ved oliba pit'kad. Ezmäi pidihe samha lihad, sid' zavottihe ägestada da vedada juguid mugažo. Jäl'gmäižes koumes voz'tuhas živatoiden suruz kadoti läz koumandest. Suguiden sädandan ezmäižed naprindad oma tetabad Amuižen Riman aigaspäi, möhemba Evropan valdkundad kändihe selekcijan keskuseks. Nügüd'aigan lugetas läz 1080 kodihärgan suguid.

Ümbrikirjutand

Kodihärg om järed, massivine živat, täuz'kaznuded eričud oma 750 kilogrammhasai vedutte keskmäras (vajehtase 147..1363 kg röunoiš) i 120..150 sm sagus kortte, rippub suguspäi i eričuspäi. Om joukživataks, dominantine ijerarhii sädase joukus igähizenke järgendusenke. Härgiden agressivižuz kävutase ispanižes i portugaližes korridoiš.

Eričun hibjan kazvand jätktase viž..seičeme vot. Elon järgeline hätkeližuz om 15..20 vot izačuil i 20 vot emäčuil, erased-se lehmäd elädas 35 vot da sen enamba (rekord 48 vot).

Homaičendad

Kodihärg Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.