Hančžou

Hančžou
杭州市
(*Hángzhōu shì*)
Valdkund	Kitai
Eläjiden lugu (2023)	12,522,000 ristitud
Pind	16,821,1 km²
Telefonkod	+86−571
Aigvö	UTC+8

Hančžou (kit.: 杭州, pin'jin': Hángzhōu, standartine virkand: [xǎŋ.ʈʂóu], sijaline virkand: [ɦɑ̃.tse]) om lidn da lidnümbrik Kitain päivnouzmas. Se om Čžeczän-agjan administrativižeks keskuseks da palaks.

Istorii

Eländpunktan aluz om pandud vl 589 Kitain Suren kanalan lopus. Lidnan sein oli saudud kahtes vodes sen jäl'ghe. Vspäi 1895 Hančžou oli joudjaks meriportaks, kus sab verazmalaižile torguida. Vll 1938−1945 lidn oli okkupiruidud Japonižen imperijan sodavägil.

Hančžou šingotase mašinoiden ühthekeradamižel (mašiništ, vilugoitimed) i istorižel südäiturizmal. Neniden järedoiden kompanijoiden päfaterad oma lidnas: Alibaba Group (elektronine torguind), Geely Automobile, Wahaha Group (jomad).

Geografijan andmused

Lidn sijadase agjan pohjoižes, lidnümbrikon pohjoižpäivnouzmas, Fučun'czän-jogen randal, 19 m ü.m.t. keskmäižel korktusel.

Matkad Šanhaihesai om 180 km pohjoižpäivnouzmha.

Klimat om subtropine neps. Voden keskmäine lämuz om +17,5 C°. Ekstremumad oma −9,6 C° (uhoku) i +41,9 C° (heinku, eloku). Ei voi panda halad sulakus-redukus. Paneb sadegid 1492 mm vodes, enamba kezakus (258 mm).

Tobmuz

Hančžoun lidnümbrik jagase koumetoštkümneks rajonaks: kümne lidnrajonad 8 292,31 km² ühthižel pindal, kaks' ezilidnrajonad i Czän'de-lidn.

Eläjad

Vn 2010 Kitain rahvahanlugemižen mödhe lidnümbrikon eläjiden lugu oli 8,700,373 ristitud, vn 2020 — 11,936,010 ristitud. Kaik 9,468,000 eläjad oli lidnümbrikos vl 2017. Kaikiš suremb lidnümbrikon ristitišt om nügüd'.