Boston

**Boston**
Lidnanznam;	Flag;
Valdkund	Amerikan Ühtenzoittud Valdkundad
Eläjiden lugu (2017)	685,094 ristitud
Pind	232,14 km²
Pämez'	Martin Uolš; (viluku 2014—)
Telefonkod	+1−617, +1−857
Aigvö	tal'vel UTC−5,; kezal UTC−4

Boston (mugažo kirjutase anglijan kelel, virkmine — [ˈbɒstən]) om AÜV:oiden lidn da port niiden Atlantižen valdmeren randal. Se om Massačusets-štatan pälidn.

Istorii[redaktiruida | redaktiruida purde]

Eländpunktan aluz om pandud vn 1630 7. päiväl sügüz'kud. Se sai lidnan statusad vl 1822.

Geografijan andmused[redaktiruida | redaktiruida purde]

Lidnan istorine keskuz sijadase korktusil 5..7 metrad valdmeren pindan päl. Lidnan ümbrišton keskmäine korktuz om 43 metrad. Kaikiš korktemb čokkoim om Bellivju-kukkaz (101 m).

Paksud päivlaskmaižed kontinentaližed tulleid aletas valdmeren valatoitusele. Vilukun kesklämuz om −1,7 Cel'sijan gradusad, heinkun — +23 C°. Paneb 1100 mm sadegid vodes, kuidme tazomäras.

Eläjad da ižanduz[redaktiruida | redaktiruida purde]

Läz 8 mln ristituid elädas Bostonan lidnaglomeracijas vl 2017 (Sur' Boston, kudenz' sija AÜV:oiš).

Boston om medicinižen da uziden materialiden tegimištoiden keskuz, rahaazjoiden kompanijoiden päfater, turizman keskuz (21,2 mln turistoid vodes 2011).

Openduzsijad[redaktiruida | redaktiruida purde]

Üläopendusen kaks' surt aluzkundad sijadase lidnas: Garvardan universitet da Massačusetsan tehnologine institut (angl.: MIT). Ühthemänho enamba sadad universitetoid da kolledžid om lidnas da sen ümbrištos. Kaikuččel vodel läz millionan nelländest ristituid kändasoiš ezmäižen kursan üläopenikoikš.

Transport[redaktiruida | redaktiruida purde]

Rahvahidenkeskeine Logan-lendimport (BOS) sijadase päivnouzmpolehe lidnan keskusespäi. Vspäi 1897 amerikaine kaikiš amuižemb metro radab lidnas (4 jonod, 122 stancijad, 134 km raudted). Ühthine MBTA-kompanii (angl.: Massachusetts Bay Transportation Authority) ohjandab kundaližtransportan erazvuiččil toižendoil: metro, ezilidnoiden raudte, avtobusad, trolleibusad, ehtatimed.

Lidnan nägud[redaktiruida | redaktiruida purde]

Päiväižen mödhe: Bostonan ohjastusen pert', Päivlaskmaine agj, Pohjoine agj, Čarl'staun, Bostonan port, Päivnouzmaine agj.

Boston ehthämäral.

Sebruzlidnad[redaktiruida | redaktiruida purde]

Kaik 8 lidnad oma sebruzkosketusiš Bostonanke^[1]:

Japonii Kioto, Japonii (vspäi 1959)
Francii Strasburg, Francii (1960)
Ispanii Barselon, Katalonii, Ispanii (1980)
Kitai Hančžou, Kitai (1982)
Italii Padui, Italii (1983)
Avstralii Mel'burn, Viktorii, Avstralii (1985)
Kitai Taibei, Taivan', Kitai (1996)
Sekondi-Takoradi, Gan (2001)

Homaičendad[redaktiruida | redaktiruida purde]

↑ Boston Sister Cities (Bostonan sebruzlidnad). — Cityofboston.gov. (angl.)

Irdkosketused[redaktiruida | redaktiruida purde]

Lidnan tobmuden oficialine sait (cityofboston.gov). (angl.)

Boston Vikiaitas

	AÜV:oiden järedad lidnad
	Enamba 3 mln. eläjid	Los Andželes \| Nju Jork
	1—3 mln. eläjid	Čikago \| Dallas \| Filadel'fii \| Finiks \| Hjuston \| San Antonio \| San Diego \| San Hose
	750 tuh. eläjid — 1 mln.	Džeksonvill \| Fort Uert \| Indianapolis \| Kolumbus \| Ostin \| San Francisko \| Šarlott
	Enamba 500 tuh. eläjid	Al'bukerke \| Baltimor \| Boston \| Denver \| Detroit \| El' Paso \| Fresno \| Las Vegas \| Luisvill \| Memfis \| Miluoki \| Našvill \| Oklahoma Siti \| Portlend \| Sakramento \| Sietl \| Tuson \| Vašington

[1] Boston Sister Cities (Bostonan sebruzlidnad). — Cityofboston.gov. (angl.)

[1]