Sekondi-Takoradi

Vikipedii
Sekondi-Takoradi
Valdkund Gan
Eläjiden lugu (2012) 445 205 ristitud
Sekondi-Takoradi
Telefonkod +223-(0)31
Aigvö UTC+0


Sekondi-Takoradi (mugažo anglijan kelel) om järed lidn da transporttesol'm Ganan suves, valdkundan koumanz' surtte lidn. Se om Päivlaskmaižen agjan administrativine keskuz.

Istorii[redaktiruida | redaktiruida purde]

Eländpunkt sai lidnan statusad vl 1946, sätihe kahten lidnan ühtištusel: Sekondi i Takoradi. Nimed oma prussijan torgovanoiden vajehtadud kanzannimed.

Sekondi šingotaškanzihe raudten sauvomižel, Takoradiš saudihe merivaldmoid vodele 1928. Tegimišton päsarakod oma merikalan, kakaon i mecan ümbriradmine sijaližel torhudel, laivansauvomine, kivivoin samine.

Geografijan andmused[redaktiruida | redaktiruida purde]

Lidn sijadase Atlantižen valdmeren Gvinejan lahten randal, 10 m ü.m.t. keskmäižel korktusel.

Klimat om tropižen savannan. Kun keskmäine lämuz om +24..+27 C° vodes läbi. Paneb sadegid 1322 mm vodes, enamba semendkus-kezakus (250..346 mm kus), vähemba tal'vkus-uhokus (31..35 mm kus).

Eläjad[redaktiruida | redaktiruida purde]

Vl 2012 eläjiden lugu oli 445 205 ristitud, ristitišt ližadub rahvahanikoil kaikes valdkundaspäi kivivoin samižen tagut.

Religijan mödhe: vižkümnenden päivän jumalankodikundan polenpidajad i harizmatikad — 35 %, toižed protestantad — 26 %, katolikad — 14 %, toižed hristanuskojad — 12 %, islamanuskojad — 9 %, religijatomad — 3,5 %, Afrikan veroližiden religijoiden uskojad — 0,2 %.

Takoradin tehnine universitet[1] (angl.: Takoradi Technical University, alusenpanend 1954 kut Valdkundaline tehnine institut, universitet vspäi 2016) radab lidnas.

Sebruzlidnad[redaktiruida | redaktiruida purde]

Homaičendad[redaktiruida | redaktiruida purde]

  1. Takoradin tehnižen universitet ghstudents.com-saital. (angl.)