Sietl

Vikipedii
Jump to navigation Jump to search
Sietl
Seattle
Valdkund Amerikan Ühtenzoittud Valdkundad
Eläjiden lugu (2017) 724 745 ristitud
Pind 369,24 km²
SietlSeattle
Pämez' Dženni Durkan
(kül'mku 2 017—)
Telefonkod +1-206
Aigvö tal'vel UTC−8 
kezal UTC−7


Sietl (angl.: Seattle, lušucid: Dᶻidᶻəlal̓ič) om AÜV:oiden lidn da meriport Vašington-štatas. Se om štatan i federacijan lodehen kaikiš suremb lidn eläjiden lugun mödhe.

Istorii[redaktiruida | redaktiruida purde]

Eländpunktan aluz om pandud vn 1851 kül'mkus skautoil kuti Alkai Point (angl.: Alki Point). Vl 1852 hö sirdihe udhe sijha indejižiden küliden keskes i nimitihe žilod Duvamps:aks (angl.: Duwamps) indejalaižiden duvamiš-heimon mödhe. Vl 1855 udesnimitihe nügüdläižikš indejalaižiden Si'atl'-vejan mödhe. Vl 1869 2. päiväl tal'vkud žilo sai lidnan oficialižid oiktusid. Vl 1889 luja lämoipalo tegihe azjaližes keskuses, pölištunuzita.

Vl 1962 mail'man Ekspo-ozutelend mändi lidnas, saudihe lidnan «Speis nidl»-simvolad ozutelendan täht. Vl 1990 Hüvän valdan vändod oliba Sietlas. Lidn om mail'man UPS-, Boeing-, Microsoft- i Amazon-korporacijoiden sündundsijaks.

Geografijan andmused[redaktiruida | redaktiruida purde]

Lidn sijadase Tünen valdmeren da sen Pjudžet-lahten päivnouzmaižel randal, 0..158 m ü.m.t. korktusil. Matkad štatan administrativižes Olimpii-keskushesai om 100 km suvipäivlaskmha orhal. Lähembaine järed lidn om Vankuver (Kanad) 200 km pohjoižhe orhal.

Klimat om ven meren. Lidn om kaitud korktoil mägil arktižes viluspäi i valdmeren koviš tulleišpäi. Elokun lämuz om +18,9 C°, tal'vkun — +4,8 C°, voden keskmäine lämuz +11,4 C°. Paneb sadegid 953 mm vodes, enamba redukus-keväz'kus (88..167 mm kus). Voib olda lujid manrehkaidusid (ühesaballaine vl 1700, 6,8 ballad vl 2001).

Eläjad[redaktiruida | redaktiruida purde]

Vl 2010 AÜV:oiden rahvahanlugemižen mödhe lidnan eläjiden lugu oli 608 660 ristitud. Kaikiš suremb ristitišt om nügüd'. Vl 2008 oliba kodikelikš: anglijan kel' — 78,9%, Azijan keled — 10,2%, ispanijan kel' — 4,5%.

Irdkosketused[redaktiruida | redaktiruida purde]



AÜV:oiden järedad lidnad
Enamba 3 mln. eläjid Los Andželes | Nju Jork
1—3 mln. eläjid Čikago | Dallas | Filadel'fii | Finiks | Hjuston | San Antonio | San Diego | San Hose
750 tuh. eläjid — 1 mln. Džeksonvill | Fort Uert | Indianapolis | Kolumbus | Ostin | San Francisko | Šarlott
Enamba 500 tuh. eläjid Al'bukerke | Baltimor | Boston | Denver | Detroit | El' Paso | Fresno | Las Vegas | Luisvill | Memfis | Miluoki | Našvill | Oklahoma Siti | Portlend | Sakramento | Sietl | Tuson | Vašington