Har'kov

Har'kov
Харків

Lidnanznam	Flag
Valdkund	Ukrain
Eläjiden lugu (2017)	1,447,881 ristitud
Pind	350 km²
Pämez'	Igor Terehov (2021—)
Telefonkod	+380−57
Aigvö	tal'vel UTC+2, kezal UTC+3

Har'kov vai Harkiv (ukr.: Харків) om kahtenz' surtte Ukrainan lidn, Har'kovan agjan administrativine keskuz. Om Ukrainan tedokeskusen (142 tedoinstitutad, üläopendusen 45 aluzkundad, 200 tuhad üläopenikoid). Sijadase valdkundan pohjoižpäivnouzmas.

Istorii

Nügüdläižen eländpunktan aluz om pandud vl 1656. Vspäi 1669 om polklidnan statusanke.

Geografijan andmused

Sijadase kukhikahas tahondas, ühtennimižen jogen da Lopan'-jogen ühthejoksmusel (Donan bassein). Om 26 km pohjoižhe Venäman röunhasai (Belgorodan agj). Rengazavtote ümbärdab lidnad, i korktused vajehtadas sen südäimes 94:späi 205 metrhasai valdmeren pindan päl.

Har'kov jagase ühesaks administrativižeks rajonaks, niišpäi kahesa oma olmas sodanedeližes aigaspäi.

Eläjad

Vl 2013 eläjiden lugu oli 1 451 028 ristitud. Kaikiš suremb ristitišt oli vodel 1991 — 1 623 000 eläjid. Edel 2012. vot lidnan pind oli 310 km². Kaik 2,1 mln ristituid elädas ezilidnoidenke.

Edeline lidnan pämez' om Gennadii Kernes (2010—).

Ižanduz da transport

Ižandusen sarakod oma transportine, elektrotehnine i jüged mašiništonsauvomine, sömtegimišt, himižed edheotandad.

Har'kov om Suvipäivnouzmaižen Evropan kaikiš järedamb transportsol'm. Avtobusad, ezilidnelektrojonused, trolleibusad, tramvaid da kanatte oma kundaližeks transportaks. Vspäi 1975 metro radab lidnas (vl 2015 om koume jonod, 30 stancijad, 38 km raudted). Rahvahidenkeskeine civiline ühtennimine lendimport (HRK) sijadase lidnas 12 km suvhe sen keskusespäi. Tehtas reisid Minskha, Aršavha, Turkanmaha, Päivlaskmaižen Azijan maihe, om čarterreisid lebutahoihe.

Irdkosketused

• Lidnan tobmuden aluzkundoiden oficialine sait (city.kharkov.ua). (ukr.) (ven.) (angl.)