Helühein
| Helühein | ||||||||||||
|---|---|---|---|---|---|---|---|---|---|---|---|---|
 Pen' helühein (Rhinanthus minor) | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Rhinánthus L., 1753 | ||||||||||||
|
Helühein (latin.: Rhinanthus) om heinäsižiden kazmusiden heim 30..40 erikonke, mülüb Orobanchaceae-sugukundha.
Leviganduz
[vajehta | vajehtada lähtetekst]Voib vastata Evropan (28 erikod), Sibirin i Pohjoižamerikan äjil nepsoil nituil venos vös.
Kazmuz levitab ičeze žomad vitkos.
Ümbrikirjutand
[vajehta | vajehtada lähtetekst]Üks'vozne kazmuz, om vällänke jurištonke. Seikhed oma oiktad vai sarakoitas. Lehtesed kazdas toine tošt vaste, lehtesen röun voib olda oiged vai hambhikaz. Heimon kaikiden erikoiden kazmusil om koume lehtesiden toižendad: järgeližed lehtesed seikhel, kandaižlehted i interkalärižed lehtesed (sijadasoiš ülemb järgeližid, no madalamb mi änikusen aug).
Änikuz om toppaz. Änikon vencut om pakuine. Kaik nell' pölükäd om änikos, niišpäi kaks' oma vencuden turudes i kaks' pit'kembad išktas siš turudespäi. Plod om kehker konorüt, avaidase tahkoidme. Se mülütab korvenvuiččid semnid, suugikahid paksumba kaiked.
Küpsad semned rämäitas plodun seinhä kazmusen lehkutamižes tulleil i sil hein om helün pojav.
Znamoičend ižanduses
[vajehta | vajehtada lähtetekst]Helühein om rujoheinäks maižanduses. Om pol'parazitaks, sen jured kazdas toižiden kazmusiden kolnuzil juril, voib satatada kul'turkazmust küt'kindan aigan. Čaptud hein om paha sötmižes, sikš miše om äi seikhid i vähä lehtesid. Pidab otta nitud omaluižeks puhtastamha helüheinäspäi.
Voib levineda villän pöudoil. Semned puttas obrättüd villähä, tehtud jauh sišpäi om sinižen mujun, pašttud leib kändase kovaks i jügedaks sulatusele. Pidab puhtastada villän semnid edel semendust.
Valitud erikod
[vajehta | vajehtada lähtetekst]- Rhinanthus alectorolophus — Sur' helühein
- Rhinanthus alpinus — Al'pine helühein
- Rhinanthus angustifolius — Kaidlehtesine helühein
- Rhinanthus borealis — Pohjoine helühein
- Rhinanthus carinthiacus — Karintine helühein
- Rhinanthus freynii — Freinan helühein
- Rhinanthus groenlandicus — Grenlandine helühein
- Rhinanthus halophilus — Solannavedii helühein
- Rhinanthus mediterraneus — Keskmeren helühein
- Rhinanthus minor — Pen' helühein
- Rhinanthus oesilensis — Ezeline helühein
- Rhinanthus pampaninii — Pampaninin helühein
- Rhinanthus rumelicus — Rumeline helühein
- Rhinanthus wagneri — Vagneran helühein
- Rhinanthus wettsteinii — Vettšteinan helühein