Ičan
Valdkund | Kitai |
Eläjiden lugu (2010) | 1,411,380 ristitud |
Pind | 4,232,4 km² |
![]() | |
Pämez' | Ma Süimin |
Telefonkod | +86−717 |
Aigvö | UTC+8 |
Ičan (kit.: 宜昌市, pin'jin': Yíchāng) om Kitain lidn Hubei-agjas. Se om agjan kahtenz' lidn eläjiden lugun mödhe (Uhan'-pälidnan jäl'ghe).
Istorii[redaktiruida | redaktiruida purde]
Eländpunkt om erigoittud lidnan statusanke Ičan-makundaspäi Kitain Rahvahaližen Tazovaldkundan sädandan jäl'ghe vl 1949. Ičanan lidnümbrik om sätud vl 1992.
Ičan šingotase laivansauvomižel. Sepoiden, himižiden heretusiden i aerokosmižen industrijan tegimed ratas lidnümbrikos.
Geografijan andmused[redaktiruida | redaktiruida purde]
Lidn sijadase valdkundan keskuzpalan suves, agjan päivlaskmaižes poles, Janczi-jogen hural randal tobjimalaz. Kaks' järedad padoseinäd da gidroelektrostancijad oma saudud ülezjogen: «Gečžouba» (om saudud vozil 1971−1988) ani lidnan pohjoižen röunan taga i kaikiš suremb mail'mas vägevuden mödhe «San'sä» (Koume urad, 22,5 GVt, om saudud vll 1994−2012) 50 kilometras lodeheze Ičan-lidnaspäi.
Klimat om subtropine. Voden keskmäine lämuz om +17,1 C°, kezakun-elokun +26..+28 C°, tal'vkun-uhokun +5..+7 C°. Ekstremumad oma −9 C° i +41 C°. Paneb sadegid 1161 mm vodes, enamba heinkus-elokus (199..222 mm kus), vähemba tal'vkus-vilukus (18..24 mm kus).
Eläjad[redaktiruida | redaktiruida purde]
Vl 2010 Ičanan lidnümbrikon eläjiden lugu oli 4 059 686 ristitud 21 338 km² pindal.
Kitain Koumen uran universitet om sätud vl 2000 kahten üläopendusen aluzkundan ühtištusel.
Transport[redaktiruida | redaktiruida purde]
Ičan San'sä-lendimport (Koume urad, YIH/ZHYC, 3 mln passažiroid vl 2018) om saudud lidnan suves vll 1994−1996.
Irdkosketused[redaktiruida | redaktiruida purde]
- Lidnan oficialine sait (yichang.gov.cn). (kit.) (angl.)
Ičan Vikiaitas |