Uhan'

Vikipedii
Hüpähtada: navigacii, Ecind
Uhan'
武汉
(Wǔhàn)
Valdkund Kitai
Eläjiden lugu (2013) 10 220 000 ristitud
Pind 8 494 km²
Uhan'武汉(Wǔhàn)
Pämez' Žuan' Čenfa (阮成发)
Telefonkod +86-27
Aigvö UTC+8


Uhan' (kit.: 武汉, pin'jin': Wǔhàn) om Kitain lidn Hubei-agjas, sen kaikiš suremb lidn, administrativine keskuz da ohjastusen ištundsija, agjale alištusen lidn.

Se om Kitain sur' transporttesol'm, kul'turan da tegimišton keskuz.

Istorii[redaktiruida | redaktiruida purde]

Vl 1911 Sun' Jatsenan polenpidajad sädihe Uhanin rahvahantorokad. Sen satuseks Cin-dinastii kadoti ičeze valdištmen, Kitai tegihe tazovaldkundaks.

1920-nzil vozil Uhan' oli huran Gomin'dan-ohjastusen päkeskuseks, se oli oppozicijaks Čan Kaišihe kacten.

Geografijan andmused[redaktiruida | redaktiruida purde]

Lidn om olmas enamba 3500 vot. Se sijadase Kitain keskuses, Janczi- da Han'šui-jogiden ühthejoksmusel. Kaikuččel randal amuine lidn om:

  • Han'kou (汉口, Hankou) sijadase Han'šui- da Janzci-jogiden huril randoil, se om lidnan keskuz, mülütab koume lidnrajonad;
  • Han'jan (汉阳, Hanyang) sijadase Han'šui- da Janzci-jogiden keskes;
  • Učan (武昌, Wuchang) sijadase Janzci-jogen oiktal randal.

Lidnan keskuz seižub 37 metrad valdmeren pindan päl korktusel.

Klimat om subtropine mussonine. Heinkun keskmäine lämuz om +29°C, vilukun — +4°C. Paneb sadegid 1300 mm vodes, enamba sulakus-elokus.

Uhan' alajagase 7 lidnrajonha da 6 külärajonha.

Eläjad[redaktiruida | redaktiruida purde]

Vn 2010 kaiken Kitain rahvahanlugemižen mödhe, lidnrajoniden ristitišt om 6 434 373 eläjad, pind — 888 km².

Transport[redaktiruida | redaktiruida purde]

Lidnan koume palad oma ühtenzoittud sildoil keskneze. Seičeme sildad oma saudud päliči Jäncziš, üks' tonnel' om jogen al.

Avtobusad, metro da ehtatimed oma kundaližeks transportaks lidnan südäimes. Metro radab vspäi 2004 (vl 2014 3 jonod, 78 stancijad, 95,5 km raudted).

Rahvahidenkeskeine civiline «Uhan' Tän'he»-lendimport (WUH) sijadase 26 kilometras pohjoižhe lidnan keskusespäi. Sišpäi tehtas reisid Kitaidme da Azijan äjihe verhiže maihe, mugažo Evropha da AÜV:oihe.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]