Jänišad
| Jänišad | ||||||||||||
|---|---|---|---|---|---|---|---|---|---|---|---|---|
 Jäniš | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Lepus (Linnaeus, 1758) | ||||||||||||
|
Jänišad (latin.: Lepus) oma Jänišanvuiččed-heimkundan heim. Elädas kaikjal päiči Avstralijas da Antarktidas, mecživatad. Kaik om läz 30 erikod.
Ümbrikirjutand[redaktiruida | redaktiruida purde]
Pit'k korv, lühüd händ ülähäkspäi, šingotamatomad rindazlud i pit'kad tagakäbälad (sirdmine hüpkil) erištadas heid. Pöudjäniš voib sabustada 70 kilometrad časpigut i navedib pästta pagod kacmata sihe, miše hänen vägevad tagakäbälad teravidenke künzidenke voidas tehta süvid rizukhid satatesid.
Kodijänišan erineden, jäniš ei tege uruid, no tegeb pezoid peniš kopiš. Poigaižed sündudas šingotadud hibjanke, karv jo om i sil'mad oma avaitud. Emäjäniš jäb heidenke viž-kuz' päiväd vaiše, sid' tuleb heidennoks erasti, i äi jänišanpoigaižid pölištub vihanikoiden tagut. Živatan nägemine om paha, nühaind om hüvä, kulemine om hüvä lujas.
Elonmahtuz[redaktiruida | redaktiruida purde]
Jäniš pidab ičeze varukašti lujas i peitol'žikš, sikš miše ei voi vastustada äiluguižile vihankandajile (lihansöjad živatad, lindud i ristit). Kevädel voib nähta toradajid tagakäbälil ižačuid-jänišid emäčhu näht.
Živat sötlese erazvuiččiden kazmusiden paloil: hein, vill'kazmused, maplodud, puiden kor'. Voib toda znamasišt pahut maižandusele. Navedib petruškad i nagrišt enamba kaiked.
Jänišha sidodud vepsän muštatišed da ozoitesed[redaktiruida | redaktiruida purde]
Muštatišed[redaktiruida | redaktiruida purde]
- Joksijan jänišal hot' käbälad vargasta.
- Jokstes jänišad ed tabada.
- Kaht jänišad küksendeled, ni üht ed tabada.
- Nutai koir jänišad ei sa.
- Pöl'gästunu jäniš penzast varaidab.
Ozoitez[redaktiruida | redaktiruida purde]
Jäniš jädme, a vill madme. (heinregi)
Valitud erikod[redaktiruida | redaktiruida purde]
- Lepus arcticus — Arktine jäniš
- Lepus coreanus — Korejine jäniš
- Lepus corsicanus — Korsikan jäniš
- Lepus europaeus — Pöudjäniš
- Lepus othus — Aläskan jäniš
- Lepus timidus — Mecjäniš