Jänišankäbälad

Jänišankäbälad, Saksanma

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Magnoliopsida)
Kund:	Astränikoižed (Asterales)
Sugukund:	Puzuänikoižed (Asteraceae)
Heim:	Antennaria
Erik:	Jänišankäbälad

Latinankel'ne nimi

Antennária dióica (L.) Gaertn.

Sistematik
Vikierikoiš

Kuvad
Vikiaitas

ITIS 36728

NCBI 49054

Jänišankäbälad (latin.: Antennaria dioica) om äivozne heinäsine kazmuz. Mülüb Puzuänikoižed-sugukundha.

Leviganduz

Voib löuta londuses Pohjoižen mapoliškon subarktižes i venos vöiš. Kazmuz om levitadud Evropas, Azijas (Venäma, Kazahstan, Mongolii, Kitain pohjoine, Japonii) i Pohjoižamerikas (Aläsk).

Kazvab pedajikoiš, kanabrän žomiden keskes, mugažo kuivil nituil i pallištoil. Jänišankäbälad navettäs päivänvauktust i letemad.

Ümbrikirjutand

Hoik jurišt andab ujelijoid seikhid i severzid-se oiktoid änikoičijoid seikhid 10..30 sm kortte. Änikuz om kändaz, kazmused oma erazsuguižed. Naižänikod oma ruskedvauvhad päpaloin, mužikänikod — vauktan mujun.

Änikoičeb semendkun keskespäi heinkun lophusai. Äikerdoičese semnil i vegetativižikš.

Kävutand

Mecživatad söttas heinäd: jänišad, pedrad. Ottas zelläks jänišankäbäliden heinäd (latin.: Herba Antennuriae dioicae) i butonid (Flores Antennariae dioicae), niiden sättundan strok om üks' voz'. Om sätud dekorativižid sortuid.

Homaičendad

Jänišankäbälad Vikiaitas