Kanabr'

Kanabr'
Änikoičii kanabr' Saksanmas
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Dicotyledones) Kund: Kanabr'änikoižed (Ericales) Sugukund: Kanabränvuiččed (Ericaceae) Heim: Kanabr' (Calluna) Erik: Kanabr'
Latinankel'ne nimi
Callúna vulgáris (L.) Hull, 1808
Sistematik Vikierikoiš Kuvad Vikiaitas ITIS 23634 NCBI 13385

Kanabr' (latin.: Calluna vulgaris) om änikoičii igähižvihand kazmuz, penzhaine. Om Calluna-heimon üks'jäine erik. Heim mülüb Kanabränvuiččed-sugukundha.

Leviganduz

Kazmuz libui Suvipäivlaskmpol'žes Azijaspäi. Nügüd'aigaine levigandmižavaruz — Azijan ven vö, Evrop, Keskmeren randpol', Grenlandan rand, Amerikan atlantine randišt. Kanabr' om invazivine erik Udes Zelandijas.

Navedib kazda muiktoil soil (turbazsoil), palatišil, pedajikoiš i dubmecoiš muiktal mahusel. Valičeb avarod tahondoid, venon pimitandan sijid. Sädab žomid (kanabrik, kanabrišt).

Ümbrikirjutand

Madal penzhaine, kazvab 20..50 sm kortte, harvemba metrhasai da sen enamba. Seikhed sarakoičesoiš lujas. Lehtesed oma henod koumetahkoižed vardeta, 2..3 mm surtte.

Änikoičeb lilaiž-ruskedvauvhil tophil, om 5..30 henod änikod kaikuččes. Pölüstoitase mezjäižil i tulleil. Plod nimitase čiganančigičaižeks. Äikerdoičese semnil tobjimalaz.

Kävutand

Ištutadas dekorativižeks kazmuseks saduiš, sai populärižust al'pižidenke kazmusidenke. Om sätud severz'-se kümenikoid sortuid.

Kanabrän lehtišt om znamasine söte lambhiden täht.

Kanabr' om arvokahan medenkandajan kazmusen ičeze änikoičendan tagut möhäižel kezal. Mezi kanabräspäi abutab mezjäižile tal'vduda, hüvä antiseptik, kävutase zell'abutuseks.