Ozr
| Järgeline ozr | ||||||||||||||
|---|---|---|---|---|---|---|---|---|---|---|---|---|---|---|
 Järgeližen ozran tähkad Slovenijas | ||||||||||||||
| Tedoklassifikacii | ||||||||||||||
|
||||||||||||||
| Latinankel'ne nimi | ||||||||||||||
| Hordeum vulgare L., 1753 | ||||||||||||||
|
Järgeline ozr (latin.: Hordeum vulgare), vai muite ozr, om Tähkheiniden sugukundan, Ozran heimon üks'vozne heinäsine kazmuz. Kul'tivirudas läz 10 tuhad vozid.
Ümbrikirjutand[vajehta | vajehtada tekst]
Londuseline kazmuz om 30..60 sm kortte, kul'tursortuiden korktuz om 90 sanimetrhasai. Seikhed oma püštoiktad pal'had. Lapakod siledad lehtesed oma 30 sanimetrhasai pitte i 2..3 sm levette, om korvuzid alusenno. Sädab tähkid läz 10 sm pitte i pol'tošt sanimetrhasai sankte, jogahižen änik om üks'jäine. Tähkad oma kogotud koumin.
Pölüstoitase iče, no ristikoičii-ki pölüstoitand om voimusine. Änikoičeb kezakus-heinkus, küpsneb heinkus-elokus.
Vegetacine pord om 60..110 päiväd sorthu kacten. Semned voidas idäda +1..+3 C° lämudel, küpsneda +18 C° lämudel. Semetas ozimmaha paksumba kaiked.
Kävutand[vajehta | vajehtada tekst]
Kävutadas söndtavaraks, tehnižeks kazmuseks, sötkeks. Tarbhaine torhuz oluden keitandan täht. Tehtas ozrsurint. Ozran vill' mülütab trahmalad i äi ližakahid vauktušid, ka villän enamba pol't lähteb furažaks, sötlemha maižanduzživatoid.
Ozrha sidodud vepsän tärtused[vajehta | vajehtada tekst]
- Ozražnik — ozraine leib.
- Ozrma — palo ozran semendan jäl'ghe.
- Rokkoi — nozol ozrpudr.
- Surinik — kalitk ozraiženke südäimenke.
Ozrha sidodud vepsän muštatiž[vajehta | vajehtada tekst]
- Ozr orahaižes, a laps' vagahaižes.
Homaičendad[vajehta | vajehtada tekst]
 |
Ozr Vikiaitas |
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |