Jauhsild

Vikipedii-späi
Jauhsild vl 2007
Nägu Jauhkujoho (2007)

Jauhsild (ven.: Мучной мост) om üks'keskustaine metalline sild Piterin Keskuzrajonas, Gribojedovan kanalas päliči.

Sauvuz om sätud jaugnikoiden i lämuztrassan torviden täht. Ühtenzoitab Kazanskii- i Spasskii-sarid vspäi 1931.

Bankan sild sijadase ülezkanalan, Kivine sild om saudud mödvedhe.

Istorii[vajehta | vajehtada tekst]

Sildan märhapanend oli jaugnikoiden täht kaiken aigan. Vozil 1931 saudihe sildad lämbitusen torviden täht, ühten kerdan tegihe jaugnikoiden pusildad. Nimitihe lähižen Jauhkujon mödhe.

Vodele 1951 sild hapni, vajehtihe sidä metalližil balkoil tenke puspäi vl 1952. «Lendormostprojekt»-institutan P. V. Baženov-inžener sädi sildan projektad. Sauvoi «Lenmostostroi»-trestan SU-1-organizacii V.E. Jefimov-inženeran ohjandusen al.

Ümbrikirjutand[vajehta | vajehtada tekst]

Sild eli sures kohenduses läbi vll 2001−2002 (puine krepind oli heittud). Vozil 2017−2018 sild om saudud tošti faktižikš, sil aigal vajehtihe keskustad i alusid sauvusen sättumatomuden tagut ličendan tarbhaičendoile. «Karst»-kompanii tegi sauvondad.

Nügüdläine sauvuz om 22,5 m pitte i 2,3 m levette[1]. Alused oma saudud monolitižes raubetonaspäi vajil. Jaugnikoiden lava om metalližiš lehtesišpäi 12 mm sankte, lehtesiden krepind om polimerine. Sildan röun om metalline ühthekeittud, koveritomanke kuvanke.

Homaičendad[vajehta | vajehtada tekst]

  1. Новиков Ю.В. Мосты и набережные Ленинграда (Leningradan sildad da randirdad) / Keradai om P.P. Stepnov. — Piter: Lenizdat, 1991. — 320 lpp. — Lp. 307. (ven.)

Irdkosketused[vajehta | vajehtada tekst]