Joilan kirj

Joil-endustai, Kižin jumalankodin jumalaine, 18. voz'sadan ezmäine nelländez

Joilan kirj (evr.: יוֹאֵל Joel' , grek.: Ἰωὴλ Ioel, latin.: Ioel, ven.: Книга пророка Иоиля) om evrejan Tanah-biblijan kirj Neviim-jagusespäi i hristanuskondan Vanhan Zavetan 29. kirj.

Original om sätud evrejan kelel. Hristanuskondan kirj kogoneb koumes jagusespäi, evrejan biblijas nelläspäi, evrejan originalan kahtenz' i koumanz' jagused oma ühtenzoittud Vanhas Zavetas. Joil'-endustai tegi kirjad. Sen datiruind om jüged azj tarkkohtiden vajaguden tagut, kirjutandan aig voib olda 9.-5. voz'sadad EME. Endustuz om sätud Judejas vai tarkoiktemb Jerusalimas ezimeletaden, paksus mainitadud niiden nimitusiden tagut.

Voib kacta Joilan kirjad Biblijan endustajiden pätemoiden lühüdaks starinaks. Ned temad oma onetomuziden i Sündun päivän endustuz, kucund kaita uskod da tehta kajindad i nousta moralid, Hänen rahvahan Sündun päzutandan ihastuseline varastuz. Kirj om täuttud Sündun tulendan da Hänen käskuzkundan varastandal.

Joil om kajindan endustai, kucub pühännoks i loičendannoks. Hristanuskojad arvostadas Joilad sidä kesken kut Vižkümnenden päivän endustajaks.