Küz'mäine pu

Vikipedii
Jump to navigation Jump to search
Küz'mäine pu
Küz'mäine pu
Lonicera caprifolium om küz'mäižen pun heimon tipine erik
Tedoklassifikacii
Valdkund: Kazmused
Palakund: Änikkazmused (Magnoliophyta)
Klass: Kaksidülehtesižed (Dicotyledones)
Kund: Dipsacales
Sugukund: Küz'mäižpuižed (Caprifoliaceae)
Heim: Küz'mäine pu
Latinankel'ne nimi
Lonícera L.

Wikispecies-logo.svg
Sistematik
Vikierikoiš

Commons-logo.svg
Kuvad
Vikiaitas

ITIS 35281
NCBI 49606

Küz'mäine pu (latin.: Lonicera) om penzhiden heim. Oiktad, kerdujad vai ujelijad kazmused. Mülütadas Küz'mäižpuižed-sugukundha. Erasiden erikoiden plodud oma södabad, no äjiden erikoiden plodud oma travijad.

Leviganduz[redaktiruida | redaktiruida purde]

Heim om levitadud Pohjoižen mapoliškon äjiš rajoniš. Erikoiden tobj pala kazvab Gimalajas i Päivnouzmaižes Azijas. Venämas om 14 mecerikod, voib vastata mecanröunoiš i sarikoiš.

Ümbrikirjutand[redaktiruida | redaktiruida purde]

Järedahkod änikod oleldas vauktan, ruskedvauvhan, pakuižen i sinivauvhan mujun. Änikod i sid' plodud kazdas paroil lehtesiden alusišpäi vai barban lopus. Änikon vencudes om viž pölükäd i pit'kahk petkloine. Plodud kazdas ühthe paksus, kuti ülälehtesed-ki (erasil erikoil kaik lehtesed). Venäman erikod änikoitas semendkun lopuspäi kezakun keskhesai.

Kävutand[redaktiruida | redaktiruida purde]

Küz'mäižen pun äi erikod ištutadas da kazvatadas saduiš čomikš dekorativižikš penzhikš. Ned sättudas gruppiden, allejoiden i kezapavil'joniden täht. Erased erikod oma medenkandajad. Kova pumaterial kožub sädamha penid tegesid.

Sädihe severz'-se kümnikoid dekorativižid sortuid södabidenke marjoidenke sinižen (kamčatižen) i södaban (Lonicera edulis) küz'mäižiden puiden alusel.

Valitud erikod[redaktiruida | redaktiruida purde]

Kaik om 180 küz'mäižen pun erikod, niiden keskes enamba sadad om dokumentiruidud.

  • Lonicera alpigena — Al'pine küz'mäine pu
  • Lonicera caeruleaSinine küz'mäine pu
  • Lonicera caprifolium — Kaprifol', Hajukaz küz'mäine pu (heimon tipine erik)
  • Lonicera caucasica — Kavkazine küz'mäine pu
  • Lonicera maximowiczii — Maksimovičun küz'mäine pu
  • Lonicera tatarica — Tatarine küz'mäine pu
  • Lonicera xylosteum — Järgeline küz'mäine pu, Küz'mäine mecpu

Homaičendad[redaktiruida | redaktiruida purde]