Kagr
| Kagr | ||||||||||||
|---|---|---|---|---|---|---|---|---|---|---|---|---|
 Järgeline kagr (Avena sativa) | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Avena L., 1753 | ||||||||||||
| Tipine erik | ||||||||||||
|
Kagr (latin.: Avena) om Tähkheiniden sugukundan üks'voččiden heinäsižiden kazmusiden heim.
Leviganduz
[vajehta | vajehtada lähtetekst]Kaik tetas läz kaks'kümned erikod heimos. Niišpäi äjad oma rujoheinikš (Avena fatua eriližešti) i mecerikoikš, kudambad oma mel'hetartujad tedoidusiden da maižanduzselekcijan täht.
Erikod oma levitadud Evrazijan venos vönes tobjimalaz, om vähä niid Amerikoiš.
Vl 2018 Venämas kagran pöudod otiba 2,85 mln ga pindad, obrättihe satust 4,7 mln tonnoid[1].
Ümbrikirjutand
[vajehta | vajehtada lähtetekst]Änikuz om löuste, kogoneb rippujiš tähkuzišpäi kaks'..koume jüväd kaikuččes.
Lämuden i mahusen plodukahusen tarbhaižuz kagral om penemb mi toižil villänkul'turoil. Semetud kagr eläb pandud haloiš läbi hüvin. Šingotab jur'sistemad teravas, sen tagut seižub kuivaigad vaste paremba[2].
Kävutand
[vajehta | vajehtada lähtetekst]Päine maižanduzkul'tur om järgeline kagr. Kävutadas sen ol'ged leviteseks, ottas villäd furažaks. Tehtas nenid söndtavaroid: surin, jauh, konditerižed tegesed (sidä kesken paštikod), tisel', hel'pked (müslin pala).
Valitud erikod
[vajehta | vajehtada lähtetekst]- Avena abyssinica — Abissinine kagr
- Avena chinensis
- Avena maroccana — Marokoine kagr
- Avena sativa — Järgeline kagr, heimon tipine erik
- Avena sterilis — Plodutoi kagr
- Avena strigosa — Must kagr
- Avena volgensis — Volgan kagr
Kagrha sidodud vepsän tärtused
[vajehta | vajehtada lähtetekst]- Boltahtaz — kagrasine vezipudr bolanke.
- Harpal' — muigotez kagrjauhospäi nahkoid ümbriradamha.
- Hozjaine — tühj kagrlöuste.
- Jägl — slokosttüd ahkuidenke (šakšuidenke) kagrpudr.
- Korboi, korboitahtaz — vezipudr kagrjauhospäi.
- Libuitahtaz — rahvahaližen sömän sugu kagrjauhospäi.
- Razmest — nozol tahtaz paštamha reskoid kagrkürzid.
- Rehtikürz — kagrkürz taukunke südäimes.
Kagrha sidodud vepsän muštatišed
[vajehta | vajehtada lähtetekst]
- Ala aja hebod kunutal, a aja kagral.
- Näl'ghižele kanale kagr uniš näguse.
Kacu mugažo
[vajehta | vajehtada lähtetekst]Homaičendad
[vajehta | vajehtada lähtetekst]- ↑ Kagran semetud pindad, ühthine satuz i sen mär Venämas, vn 2018 lopmižed agrovesti.net-saital. (ven.)
- ↑ Kornilov I. M., Bespalov A.V. Минимализация обработки почвы под овес (Mahusen ümbriradmižen kagran täht minimalizacii) // Международный научно-исследовательский журнал (Rahvahidenkeskeine tedoližtedoiduzaiglehtez). — 2015. — Pästand 4—1 (35). — ISSN 2303-9868 (ven.)