Koiranmuiktad
| Koiranmuiktad | ||||||||||||||
|---|---|---|---|---|---|---|---|---|---|---|---|---|---|---|
 Koiranmuiktad | ||||||||||||||
| Tedoklassifikacii | ||||||||||||||
|
||||||||||||||
| Latinankel'ne nimi | ||||||||||||||
| Rúmex confértus Willd. | ||||||||||||||
|
Koiranmuiktad (latin.: Rumex confertus), mugažo hebonjurušk paginoiš, om äivozne heinäsine kazmuz, erik Grečanvuiččed-sugukundaspäi.
Leviganduz
[vajehta | vajehtada lähtetekst]Kazvab Evrazijan meczonas, mecstepiš i nepsoil nituil.
Ei tirpi sodunuzid mahusid, regulärišt nitandad i omaluižid. Voib säta žomid, no paksumba kazvab üksin vai gruppal.
Ümbrikirjutand
[vajehta | vajehtada lähtetekst]Jurišt om lühüd sanged, sarakoičese vähän, henod jured oma äiluguižed. Püštoiged seikh sarakoičese üläpalas, 90..150 sm kortte i kahthe santimetrhasai sankte. Kaik lehtesed kazdas varzil, čereduišoiš, röun om lainhekaz, 25 santimetrhasai pitte i 12..13 santimetrhasai sankte. Lehtesiden magu ei ole muiged.
Änikoičeb semendkus-kezakus. Henod pakuižvihandad änikod oma ühthekeratud pit'kaks löustkeks. Äikerdoičese semnil i juril. Seižui sügüzližid haloid vaste.
Kävutand
[vajehta | vajehtada lähtetekst]Juriden ekstrakt andab pakušt mujud, voib käta sidä mustaks reakcijal raudsul'fatanke. Sadas vihandad mujud lehtesišpäi seikhidenke. Kävutadas jurid nahkoiden dubindsubstancijaks, veterinarijas — tervehtamha soliden i nahkan läžundoid. Ottas zelläks kazmusen kaikid paloid. Ei sättu ristituile sirdhiden läžundoidenke.
Kazmuz om perspektivine kul'turoičemha. Om kožui sötkeks sigoile, kodijänišile, kodikoittud linduile.