Krefel'd

Krefel'd
Krefeld
Lidnanznam;	Flag;
Valdkund	Saksanma
Eläjiden lugu (2025)	230,738 ristitud
Pind	137,78 km²
Pämez'	Frank Meier; (reduku 2015—,; Frank Meyer,; mandat 2025−3030)
Telefonkod	+49−2151
Aigvö	tal'vel UTC+1,; kezal UTC+2

Krefel'd (saks.: Krefeld [ˈkʁeːfɛlt], vhesai 1925 kirjutihe Crefeld) om lidn Saksanman i sen Pohjoine Rein da Vestfalii-federacijanman päivlaskmas.

Istorii

Eländpunktan aluz om pandud Rimalaižen imperijan aigan völ.

Vl 1702 mülütihe lidnad Prussijan kunigahushe. Tora Krefel'danno tegihe Seičemevoččen sodan aigan vl 1758. Ezmäižen mail'man sodan aigan Bel'gijan armii kävuti lidnad bazaks Reinan agjan okkupacijan täht vl 1918.

Vl 1929 ühtištadihe lidnad Erdingen-lidnanke päivnouzmas (alusenpanend 1255), i vhesai 1940 eländpunktan nimituz oli Krefel'd-Erdingen, sid' nügüdläine.

Ende lidn šingotihe tekstilin manufakturoil. Nügüd'aigaižen Krefel'dan znamasine edheotand om terazlehtesiden tegim, mugažo živatsötken kompanijan päfater sijadase lidnas. Toižed sarakod oma mašinansauvomine, himine i logistik.

Geografijan andmused

Lidnan sijaduz federacijanmas i valdkundas vn 2005 kartal

Lidn sijadase Rein-jogen hural randal, 38 m korktusel valdmeren pindan päl.

Duisburg-lidn om vastrandal.

Tobmuz

Krefel'd jagase ühesaks ümbrikoks (saks.: Bezirk), ned alajagasoiš 19 lidnrajonaks (üks'lugu saks.: Stadtteil).

Eläjad

Vn 2001 Saksanman rahvahanlugemižen mödhe lidnan eläjiden lugu oli 239,559 ristitud, vn 2011 — 222,247 ristitud, vn 2022 — 230,666 ristitud. Kaik 225,114 eläjad oli lidnas vl 2015. Kaikiš suremb lidnan ristitišt oli 249 tuhad eläjid vll 1993−1995.

Alareinan universitet^[1] baziruiše lidnas (saks.: Hochschule Niederrhein, 14 tuhad üläopenikoid), se om sätud vl 1971 äjiden sijaližiden profopendusen aluzkundoiden ühtištusel. Kaik ühesa tedoinstitutad i 14 kompetencijan keskust mülüdas universitetha.

Galerei

Lidnan ohjandusen sauvuz (Rathaus, 2005)
Lidnan Administracijan sauvusiden kompleks (Stadthaus, semendku 2006)
Ph. Dionisijan jumalanpert' (St. Dionysius Kirche, katoline), vn 2019 sügüz'kun nägu
Lidnan teatr (keväz'ku 2015)
Vil'hel'm-kaizeran muzei (keväz'ku 2005)
Krefel'd-päraudtestancijan sauvuz (letihe vl 1907), kezaku 2009

Homaičendad

↑ Alareinan universitetan sait (hs-niederrhein.de). (saks.) (angl.)

Irdkosketused

Lidnan tobmuden sait (krefeld.de). (saks.)

Krefel'd Vikiaitas

[1] Alareinan universitetan sait (hs-niederrhein.de). (saks.) (angl.)

[1]