Mine sisu juurde

Kumasi

Vikipedii-späi
Kumasi
 Lidnanznam
 Flag
Valdkund Gan
Eläjiden lugu (2013) 2,069,350 ristitud
Pind 254 km²
Kumasi
Telefonkod +233-(0)32
Aigvö UTC+0


Kumasi (mugažo anglijan kelel) om lidn Ganan suvipalas. Se om valdkundan kahtenz' lidn eläjiden lugun mödhe, Ašanti-agjan administrativine keskuz.

Istorii[vajehta | vajehtada tekst]

Nügüdläižen eländpunktan aluz om pandud 17. voz'sadal. Kumasi oli Ašanti-valdkundan (1670−1902) pälidnaks, sen kunigahan rezidencii (Manhii-pert'kulu) sijadase lidnas tämbäi-ki.

Kumasi šingotase punümbriradmižel, kaivuztegimištol, erazvuiččil holitišil. Elektruz generiruiše päiväižpaneliden stancijoil.

Geografijan andmused[vajehta | vajehtada tekst]

Lidn sijadase agjan keskuzpalas, 250 m ü.m.t. keskmäižel korktusel. Matkad Gvinejan lahthesai om 200 km suvhe, ekvatorhasai om 500 km suvhe. Vedhudetoi Bosumtvi-järv (angl.: Lake Bosumtwi kahesa kilometrad diametral i 80 m süvütte) om populärižeks lebutahoks 30 km suvipäivnouzmha lidnaspäi.

Klimat om tropižen savannan kaks'sezonine. Kun keskmäine lämuz om +25..+28 C° vodes läbi. Ekstremumad oma +11 C° i +37 C°. Paneb sadegid 1402 mm vodes, enamba kezakus (214 mm), vähemba tal'vkus-vilukus (41 mm pordos).

Eläjad[vajehta | vajehtada tekst]

Vl 2013 eläjiden lugu ezilidnoidenke oli 2 069 350 ristitud (valdkundan 6..7 %) 254 km² pindal. Kaikiš suremb lidnan ristitišt om nügüd'.

Tedon da tehnologijan universitet Kvame Nkruman nimed[1] radab lidnas (angl.: Kwame Nkrumah University of Science and Technology, KNUST, alusenpanend 1952, läz 100 tuhad üläopenikoid vl 2020).

Homaičendad[vajehta | vajehtada tekst]

  1. Tedon da tehnologijan universitetan Kvame Nkruman nimed sait (knust.edu.gh). (angl.)

Irdkosketused[vajehta | vajehtada tekst]