La-Rošel'

La-Rošel'
La Rochelle
	Lidnanznam;
Valdkund	Francii
Eläjiden lugu (2019)	77,205 ristitud
Pind	28,43 km²
Pämez'	Žan-Fransua Fonten; (2020−2026,; Jean-François Fountaine)
Telefonkod	+33-(0)546
Aigvö	tal'vel UTC+1,; kezal UTC+2

La-Rošel' (franc.: La Rochelle [la ʁɔʃɛl], oksit.: La Rochèla [la ruˈtʃɛlɔ]) om lidn da kommun Francijan päivlaskmas. Mülüb Uz' Akvitanii-regionha, sen Mererandaline Šarant-departamentan administrativine keskuz.

Istorii

Eländpunktan aluz om pandud 10. voz'sadal. Tamplieroiden orden sauvoi järedan meriportan 12.-13. voz'sadoil, torguihe vinad da keitandsolad. Äi keskaigaližid sauvusid om kaičenus lidnas. Se oli znamasine port kolonializman voz'sadoiden aigan. Suren sodan aigan se oli Francijan jäl'gmäine päzutadud nacistoišpäi lidn (8. semendku 1945). Istorine lidnuz i nacistoiden VA-laivoiden bunker oma kaičenus.

La-Rošel' šingotase kommertižel meriportal (kala i kivivoi, 6 mln tonnoid vodes), laivansauvomižel, kalanümbriradmižel, himižel sarakol, turizmal, ümbrišton üläopendusen i torguindan keskuseks.

Geografijan andmused

Lidn da port sijadase agjan lodehes, Biskaižen lahten randal, 0..28 m korktusil, 4 m ü.m.t. keskmäižel korktusel. Matkad Parižhasai om 480 km pohjoižpäivnouzmha.

Eläjad

Vl 2010 lidnan eläjiden lugu oli 74 880 ristitud. Kaikiš suremb ristitišt oli 79 757 eläjad vl 1975.

La-Rošelin universitet^[1] radab vspäi 1993 (La Rochelle Université, 9 tuhad üläopenikoid vl 2021). Biznesškol om avaitud vl 1998.

Homaičendad

↑ La-Rošelin universitetan sait (univ-larochelle.fr). (fr.) (angl.)

Irdkosketused

Lidnan oficialine sait (ville-larochelle.fr). (fr.) (angl.) (isp.) (saks.) (kit.)

La-Rošel' Vikiaitas

[1] La-Rošelin universitetan sait (univ-larochelle.fr). (fr.) (angl.)

[1]