Lazarevan sild (Piter)

Vikipedii-späi
Lazarevan sild vn 2009 semendkus

Lazarevan sild (ven.: Лазаревский мост) om Venäman üks'keskustaine avtotevantsild Piterin Petrogradan rajonas. Se om Penes Nevkas päliči, avtoiden da jaugnikoiden täht.

Sild ühtenzoitab Sportivnai-irdad (Krestovskii-sar') Pionerskai-irdanke (Petrogradan sar'). Sur' Krestovskii sild om saudud ülezjogen sildaspäi, Sur' Petrovskii sild sijadase mödvedhe.

Istorii[vajehta | vajehtada tekst]

Ezmäine sild oli 11 metallkeskustanke, se oli saudud «Lenmostostroi»-trestal[1] puižil alusil vozil 1947−1949 kuti Koltovskijan sild (ven.: Колтовский мост). Sauvondan tarbhaižuz oli lähižen Kirovan nimed stadionan sauvomižen tagut. Vodel 1952 udesnimitihe sildad Mihail Lazarev-admiralan (1788−1851) oiktastuseks, randirdanke ühtes. Voimuz oli avaita keskmäšt keskust. Vl 1976 se sild eli sures kohenduses läbi, vajehtihe vajid metalližikš. Vl 1998 sildan keskustoiden üläpindan i trotuaran kohenduz oli tehtud. Vhesai 2002 tramvaid ajeliba da jaugnikad kävuiba sildadme 11 m levette i 141 m pitte, ei olend avtoid.

Ümbrikirjutand[vajehta | vajehtada tekst]

Vozil 2008−2009 nügüdläine metalline vantsild om saudud 1,2 mlrd rublid rahoitusenke. Projektirui «Institut «Stroiprojekt»»-organizacii, radoiden tegii «Mostostroi №6». Rekonstrukcijan projektan sädajad oma inženerad A. A. Stanevič, T. Ju. Gurevič, Ju. Ju. Krilov, L. A. Kudrävceva, M. V. Düba, A. E. Gorünov, I. E. Serebrennikov. Pilonan metallkonstrukcijad oma tehtud Omskas TTÜ «Mostovik»-organizacijal.

Nügüdläine sild om 163 m pitte, 22 m levette, nell' avtoted om siš.

Homaičendad[vajehta | vajehtada tekst]

  1. Богданов Г. И. Всем преградам вопреки. Трест «Ленмостострой» 80 лет на службе Петербургу, 1936−2016 (Kaikid tugedusid vaste. «Lenmostostroi»-trest: 80 vot radnikoičendale Piterihe näht). — Piter: Branko, 2016. — 445 lpp. — Lp. 37. (ven.) ISBN 978-5-903521-39-5

Irdkosketused[vajehta | vajehtada tekst]