Petrogradan rajon

Petrogradan rajon Piterin kartal

Petrogradan rajon (ven.: Петроградский район) om rajon Piteriš, sijadase lidnan keskuzpalas Nevan del'tan seičemel sarišpäi.

Istorii

Vl 1703 Piterin aluz om pandud arni sihe, Jänišan sar'he. Ende lidnan keskuz oli täs, edel sirdandad Vasil'jevskii-sar'he i sid' nügüdläižhe Keskuzrajonha. Rajonan tahondan istorine nimi om Petrogradan pol' .

Petrogradan rajon om olmas vn 1917 semendkuspäi.

Geografijan andmused

Rajon levigandeb Nevan suhišton saril, 24 km² pindal: Jänišan (Заячий), Petrogradskii, Petrovskii, Aptekarskii, Jelagin, Kivine (Каменный) i Krestovskii.

Röunatab lidnan nenidenke rajonidenke:

• Merenrandaine rajon levigandeb pohjoižes,
• Viipurin rajonan suvičoga om päivnouzmas,
• Keskuzrajon sijadase suvipäivnouzmas,
• Vasileostrovskii rajon om suves i suvipäivlaskmas.

Metron kuz' stancijad koumel jonol ratas rajonas.

Petrogradan rajon jagase kudeks nimitadud municipaližeks ümbrikoks (ende nomerad 58..63): Vvedenskii, Kronverkskoje, Posadskii, Aptekarskii sar' (ven.: Аптекарский остров), Petrovskii, Čkalovskoje.

Eläjad

Vn 2010 Venäman rahvahanlugemižen mödhe rajonan eläjiden lugu oli 130 455 ristitud. Kaik 117 003 eläjad oli registriruidud vl 2021. Vl 1939 rajonan ristitišt oli 187 535 eläjad.

Rajonan administracijan pämez' om Vladimir Omel'nickii vn 2021 kül'mkuspäi. Edeline rajonan administracijan pämez' om Ivan Gromov (sügüz'ku 2016 — kül'mku 2021).

Galerei

• 
  Petropavlovskai-lidnuz (2016)
• 
  Vladimir-ruhtinasen päjumalanpert', vn 2017 nägu
• 
  Laivansauvomižen «Almaz»-kompanijan verf' vl 2018
• 
  Kul'turkeskuz Lensovetan nimed (2013)
• 
  Ezmäine Piterin valdkundaline medicinine universitet I.P. Pavlovan nimed vl 2015

Irdkosketused

• Petrogradan rajonan lehtpoled Piterin tobmuden portalal (gov.spb.ru). (ven.) (angl.)
• Petrogradan rajonan uzištused (petrogradnews.ru). (ven.)