Lomonosov (lidn)

Vikipedii
Mine navigeerimisribale Mine otsikasti
Lomonosov
Ломоносов
 Lidnanznam
Lomonosov gerb2007.gif
 Flag
Flag of Lomonosov (St Petersburg).png
Valdkund Venäma
Eläjiden lugu (2018) 43,191 ristitud
Pind 35 km²
Lomonosov Ломоносов
Pämez' Aleksandr Kornejev
(viluku 2017—)
Telefonkod +7-812-xxx-xx-xx
Avtokod 78, 98, 178, 198
Aigvö UTC+3 (MSK+0)


Lomonosov (ven.: Ломоносов, suom.: Lomonosov) om Venäman lidn da meriport Piterin röunoiš. Vspäi 2011 om Venäman sodahoštusen lidnaks. Se mülüb Petrodvorecan rajonha, otab sen päivlaskmašt palad. Mugažo Leningradan agjan Lomonosovan rajonan ohjandusen aluzkundad sijadasoiš lidnas.

Istorii[redaktiruida | redaktiruida purde]

Eländpunktan aluz om pandud vl 1710 kuti Menšikovan pert'kulu lähiženke tahondanke. Vspäi 1727 sen nimi lähevenujanke žilonke oli Oranijenbaum (ven.: Ораниенбаум, saks.: Oranienbaum, suom.: Kaarosta, Rampova), raudtestancijoiden nimed (Oranijenbaum I i Oranijenbaum II) oma mugoižed tähäsai. Žilo sai lidnan statusad vl 1780.

Vl 1948 lidnad udesnimitihe nügüdläižikš. Lidn šingotase ladimensauvomižel, raudten passažirvagonoiden südäimen tehmižel, sauvondmaterialiden edheotandoil (mecan ümbriradmine).

Geografijan andmused[redaktiruida | redaktiruida purde]

Lidn sijadase Suomen lahten suvirandal, Karast-jogensus (ven.: Караста). Matkad Piterin keskushesai om 30 km päivnouzmha orhal. Lähembaižed lidnad oma Piterin regionan Petergof suvipäivnouzmha i Kronštadt pohjoižhe.

Kaks' raudteplatformad oma kahten raudtestancijan ližaks, ezilidnelektrojonused ühtenzoittas lidnad Baltijan päraudtestancijanke. Avtobusad oma kundaližeks transportaks lidnan südäimes. Lähembaine metro om Avtovo- da Kirovskii zavod-metrostancijad.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnaneläjiden lugu oli 42 505 ristitud. Kaikiš suremb ristitišt oli 43 300 vl 1979 i om nügüd', vajehtase 42..43 tuh. eläjid röunoiš vspäi 2010.


Irdkosketused[redaktiruida | redaktiruida purde]