Lomonosov (lidn)

Lomonosov
Ломоносов
Lidnanznam;	Flag;
Valdkund	Venäma
Eläjiden lugu (2018)	43,191 ristitud
Pind	35 km²
Pämez'	Aleksandr Kornejev; (viluku 2017—)
Telefonkod	+7−812-xxx-xx-xx
Avtokod	78, 98, 178, 198
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Lidnan sijaduz Piter-regionan kartal (2006)

Lomonosov (ven.: Ломоносов, suom.: Lomonosov) om Venäman lidn da meriport Piterin röunoiš. Vspäi 2011 om Venäman sodahoštusen lidnaks. Se mülüb Petrodvorecan rajonha, otab sen päivlaskmašt palad. Mugažo Leningradan agjan Lomonosovan rajonan ohjandusen aluzkundad sijadasoiš lidnas.

Istorii[redaktiruida | redaktiruida purde]

Eländpunktan aluz om pandud vl 1710 kuti Menšikovan pert'kulu lähiženke tahondanke. Vspäi 1727 sen nimi lähevenujanke žilonke oli Oranijenbaum (ven.: Ораниенбаум, saks.: Oranienbaum, suom.: Kaarosta, Rampova), raudtestancijoiden nimed (Oranijenbaum I i Oranijenbaum II) oma mugoižed tähäsai. Žilo sai lidnan statusad vl 1780.

Vl 1948 lidnad udesnimitihe nügüdläižikš Mihail Lomonosov-tedomehen kanzannimen mödhe. Lidn šingotase ladimensauvomižel, raudten passažirvagonoiden südäimen tehmižel, sauvondmaterialiden edheotandoil (mecan ümbriradmine).

Geografijan andmused[redaktiruida | redaktiruida purde]

Lidn sijadase Suomen lahten suvirandal, Karast-jogensus (ven.: Караста). Matkad Piterin keskushesai om 30 km päivnouzmha orhal. Lähembaižed lidnad oma Piterin regionan Petergof suvipäivnouzmha i Kronštadt pohjoižhe.

Kaks' raudteplatformad oma kahten raudtestancijan ližaks, ezilidnelektrojonused ühtenzoittas lidnad Baltijan päraudtestancijanke. Avtobusad oma kundaližeks transportaks lidnan südäimes. Lähembaine metro om Avtovo- da Kirovskii zavod-metrostancijad.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnaneläjiden lugu oli 42 505 ristitud. Kaikiš suremb ristitišt oli 43 300 vl 1979 i om nügüd', vajehtase 42..43 tuh. eläjid röunoiš vspäi 2010.

Galerei[redaktiruida | redaktiruida purde]

Sijaližen administracijan sauvuz (2016)
Mikoi-arhangelan päjumalanpert', vn 2012 nägu
Lomonosovan punümbriradai tegim vl 2015
Kul'turkeskuz (2017)
«Oranijenbaum I»-raudtestancii (2009)

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Municipaližen ühtnikan tobmuden aluzkundoiden oficialine sait (mo-lomonosov.ru). (ven.)

Lomonosov (lidn) Vikiaitas

L • D • R Piter
Rajonad:	Admiralteiskii \| Frunzen \| Kalininan \| Keskuzrajon \| Kirovan \| Kolpinon \| Krasnogvardeiskii \| Krasnosel'skii \| Kronštadtan \| Kurortan \| Merenrandaine \| Moskvan \| Nevan \| Petrodvorecan \| Petrogradan \| Puškinan \| Vasileostrovskii \| Viipurin
Lidnad:	Kolpino \| Krasnoje Selo \| Kronštadt \| Lomonosov \| Pavlovsk \| Petergof \| Puškin \| Sestroreck \| Zelenogorsk