Kirovan rajon (Piter)

Kirovan rajon Piterin kartal

Kirovan rajon (ven.: Кировский район) om rajon Piteriš. Se sijadase lidnan suvipäivlaskmas.

Istorii

Rajon om sätud vl 1930 kuti Narvskii. Udesnimitihe vn 1934 tal'vkus nevondkundaližen valdkundan Sergei Kirov-šingotajan muštho. Muretihe rajonan istorišt pertištod znamasižes märas Suren sodan aigan. Om nügüdläižiš röunoiš vn 1973 sulakuspäi, konz uz' Krasnosel'skii rajon mülüti sen suvipäivlaskmašt palad.

Geografijan andmused

Rajonan pind om 48 nellikkilometrad.

Röunatab lidnan nenidenke rajonidenke:

• Vasileostrovskii rajon levitase pohjoižes,
• Admiralteiskii rajon sijadase pohjoižpäivnouzmas,
• Moskvan rajon om päivnouzmas,
• Krasnosel'skii rajon levigandeb suves i suvipäivlaskmas.

Viž metrostancijad ühtel Kirovsko-Viborgskai-jonol ratas rajonan territorijal.

Kirovan rajon jagase seičemeks municipaližeks ümbrikoks (ende nomerad 25..31): Knäževo, Ul'jank (ven.: Ульянка), Dačnoje, Avtovo, Narvskii, Krasnen'kaja Rečk (Красненькая речка, «rusttan polhe jogeihut»), Morskije vorot (Морские ворота, «meriverai»).

Eläjad

Vn 2010 Venäman rahvahanlugemižen mödhe eläjiden lugu oli 334 746 ristitud. Kaik 339 946 ristitud eliba rajonas vl 2021. Kaikiš suremb ristitišt oli 338 820 eläjad vl 2002 i om nügüd'.

Rajonan administracijan pämez' om Sergei Ivanov vn 2012 semendkuspäi.

Galerei

• 
  Rajonan tobmuden sauvuz Narvskii-ümbrikos (2021)
• 
  Jumalannägundan jumalanpert', vn 2021 nägu
• 
  Kirovan tegim vl 2021
• 
  Leningradan agjan čomamahtoiden pert'kulu (2021, edel 2020. vot kul'turkeskuz A.M. Gor'kijan nimed)
• 
  Piterin Suren meriportan pala vl 2010: Pohjoižverf' (keskuses), Kivihilen merikar (huralpäi), Kanonerskii-sar' (tagamal)

Irdkosketused

• Kirovan rajonan administracijan lehtpoled Piterin ohjadusen saital (gov.spb.ru). (ven.) (angl.)
• Kirovan rajonan uzištused (kirnews.ru). (ven.)