Pavlovsk (Piter)

Vikipedii
Jump to navigation Jump to search
Pavlovsk
Павловск
 Lidnanznam
Pavlovsk COA.png
 Flag
Flag of Pavlovsk (St Petersburg).png
Valdkund Venäma
Eläjiden lugu (2018) 17 653 ristitud
Pind 36,79 km²
Pavlovsk Павловск
Pämez' Valerii Zibarev (2 000—)
Telefonkod +7-812-xxx-xx-xx
Avtokod 78, 98, 178, 198
Aigvö UTC+3 (MSK+0)


Disambig gray.svg Sil sanal voib olda toižid znamoičendoid; miše nähta niid, tulgat tänna.

Pavlovsk (ven.: Павловск) om Venäman lidn federacijan Piter-subjektan administrativižiden röunoiden südäimes. Se mülüb Puškinan rajonha.

Istorii[redaktiruida | redaktiruida purde]

Nügüdläižen eländpunktan aluz om pandud vl 1777 kuti Pavlovskoje-külä (ven.: Павловское село), konz Jekaterina II lahjoiči nened mad ičeze poigale, tulijale Pavel-imperatorale. Külä sai lidnan statusad vl 1796 Pavlovsk-nimenke.

Vozil 1918−1944 lidnan nimi oli Sluck (Vera Sluckaja-revolücionernaižen kanzannimen mödhe). Lidn šingotase turizmal (pol'tošt mln rist. vodes), kartonan pästandal i nahkgalanterejan fabrikal.

Geografijan andmused[redaktiruida | redaktiruida purde]

Lidn sijadase Slavänk-jogen randoil, Nevan alangišton hural randpolel. Matkad Piterin rengazavtotehesai om läz 15 km pohjoižhe. Pavlovsk röunatab Puškin-lidnanke lodehes. Pavlovskan puišt (6 km²) otab lidnan pohjoižpäivnouzmpol't.

Pavlovsk-raudtestancii sijadase Puškin-lidnan röunal. Raudtesarak om Pavlovskan jäl'ghe, i tulijad Piterišpäi jonused ajadas Suren Uz'lidnan vai Vitebskan raudteidme. Matkad Pavlovsk-raudtestancijaspäi Vitebskan päraudtestancijhasai om 25 km pohjoižhe.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 16 087 ristitud. Kaikiš suremb lidnan ristitišt oli 23 tuhad eläjid vl 1935 i 24..25 tuhad eläjid vll 1979−1998 (25 500 rist. vl 1989), sid' vajehtihe lidnan röunoid. Ortodoksižen hristanuskondan Ph. Mikulai-čudonsädajan späjumalanpert', koume jumalanpertid i lüteranine pühäpert' oma olmas.

Irdkosketused[redaktiruida | redaktiruida purde]