Mine sisu juurde

Rengazavtote ümbri Piteriš

Vikipedii-späi
Rengazavtoten shem

Rengazavtote ümbri Piteriš (RÜP) vai Piterin ümbärte vai KAD (ven.: Кольцевая автомобильная дорога вокруг г. Санкт-Петербурга, КАД) om Venäman federaližen znamoičendan maksutoi valdkundaline avtote, se mäneb Piterin i Leningradan agjan territorijoidme. Trassan nomer om A118, se om avtomagistralin statusanke kaikel pidusel.

Avtoten tarbhaižuz mainitase ezmäižen kerdan Leningradan vn 1965 genplanas. Se om saudud vll 1998−2011 federaližen büdžetan rahoišpäi. Erižtazoristteiden sauvomine jätktase tämbäi-ki. Avtoten holitai om Federaližen teagentusen Federaližiden avtoteiden «Lodeh»-ohjanduz N. V. Smirnovan nimed, se om valdkundaline aluzkund.

KAD-2-trassan sauvond projektiruiše severziš-se kümenikoiš kilometrid RÜP:aspäi Leningradan agjan territorijal. Sauvomine planiruiše 2020-nziš vozišpäi vhesai 2035.

Ten harakteristikad[vajehta | vajehtada tekst]

  • Täuz' piduz — 142,15 km, nolänz' kilometr sijadase Reboinnena-žilos
  • Päivnouzmaižen pol'renghan piduz — 66,07 km
  • Päivlaskmaižen pol'renghan piduz — 50,68 km
  • Likumižen lugustuzpiguz — 120 km/č
  • Likumižen teiden lugumär — 4..8
    • Merenrandaižes mantespäi Engel'san prospekthasai (25 km) — nell' ted (planiruidas sureta kudehesai)
    • Engel'san prospektaspäi Kul'turan prospekthasai (4 km) — kuz' ted
    • Kul'turan prospektaspäi Tallinan mantehesai (51 km) — kahesa ted
    • Tallidnan mantespäi Merenrandaižhe mantehesai (62 km, uman KSK:dme mülütaden 25,4 km pitte) — kuz' ted
  • Erižtazoristteiden lugu — 26
  • Sildoiden, teveiden, estakadoiden da tonneliden lugumär — 106
  • Pidust' avtoted om edhenähtud sijid punolendimiden lavuziden täht.

Irdkosketused[vajehta | vajehtada tekst]