Moskvan rajon (Piter)

Moskvan rajon Piterin kartal

Moskvan rajon (ven.: Московский район) om rajon Piteriš, sijadase lidnan keskuzpalas da suves.

Istorii

Petr I-carin aigan Moskvan pol' oli Piteran ühteks vides polišpäi. Rajon om sätud vl 1919. Om nügüdläižiš röunoiš vn 1961 sulakuspäi.

Geografijan andmused

Rajonan pind om 73,05 nellikkilometrad.

Röunatab nenidenke rajonidenke:

• Piterin Frunzen rajonanke pohjoižpäivnouzmas i päivnouzmas,
• Piterin Puškinan rajonanke suvipäivnouzmas,
• Leningradan agjan Gatčinan rajonanke suves,
• Piterin Krasnosel'skii-rajonanke suvipäivlaskmas,
• Piterin Kirovan rajonanke lodehes,
• Piterin Admiralteiskii rajonanke pohjoižes.

Kuz' metrostancijad ühtel Moskovsko-Petrogradskai-jonol ratas rajonan territorijal.

Päine avtote om Moskvan prospekt. Se om erigoittud Vägestusen torgul Pulkovon mantespäi. Pulkovon lendimport sijadase rajonan suves.

Moskvan rajon jagase videks nimitadud municipaližeks ümbrikoks (nomerad 44..48 edel 2008. vot): Moskvan zastav (ven.: Московская застава), Gagarinskoje, Novoizmailovskoje, Pulkovon meridian (Пулковский меридиан), Zvözdnoje («tähthikaz»).

Eläjad

Vl 1939 kaik 179 927 ristitud eli rajonas. Vn 2010 Venäman rahvahanlugemižen mödhe eläjiden lugu oli 288 744 ristitud. Kaik 340 187 ristitud elihe rajonas vl 2021. Kaikiš suremb ristitišt oli 354 525 eläjad vl 2019.

Rajonan administracijan pämez' om Vladimir Ušakov vn 2014 tal'vkuspäi.

Galerei

• 
  Rajonan tobmuden sauvuz Moskvan zastav-ümbrikos (2013)
• 
  Sündun Eläbzdusen päjumalanpert' Voskresenskii Novodevičii-jumalankodiš, vn 2016 nägu
• 
  «Elektrosila»-tegim vl 2010 (Elektrovägi, elektrostancijoiden generatorad)
• 
  Lider-biznesčuhunduz vl 2017
• 
  Pulkovo-lendimport vl 2015

Irdkosketused

• Moskvan rajonan lehtpoled Piterin tobmuden portalal (gov.spb.ru). (ven.) (angl.)
• Moskvan rajonan uzištused (mr-news.ru). (ven.)