Krasnoje Selo

Krasnoje Selo
Красное Село
Lidnanznam;	Flag;
Valdkund	Venäma
Eläjiden lugu (2023)	58,652 ristitud
Pind	19,28 km²
Pämez'	Jevgenii Marejev; (tal'vku 2014—)
Telefonkod	+7−812-xxx-xx-xx
Avtokod	78, 98, 178, 198
Aigvö	UTC+3 (MSK+0)

Krasnoje Selo (ven.: Кра́сное Село́, vepsäks «rusked/čoma žilo», suom.: Kraassela) om Venäman lidn Piterin röunoiš, sen suves. Se mülüb Krasnosel'skii-rajonha, otab sen suvipalad.

Istorii[redaktiruida | redaktiruida purde]

Petr I pani eländpunktan alust vl 1714 kuti Pert'kulun Krasnoje-žilo (ven.: дворцовое село Красное) sijadamha bumagfabrikad. 19. voz'sadal Krasnoje Selo oli Venäman imperijan sodavägiden kezaližeks päsijaduseks. Žilo sai lidnan statusad vl 1925.

Krasnoje Selo šingotase plastmassantegimel da karvanfabrikal. Edel 2003. vot bumagfabrik radoi mugažo.

Geografijan andmused[redaktiruida | redaktiruida purde]

Lidn sijadase Ižoran ülüden kukhil. Nimetoi-järv da Dudergofk-jogi oma ülüden pohjanno.

Ühtennimine raudtestancii ühtenzoitab lidnad Baltijan päraudtestancijanke. Kaik om koume raudtestancijad, mugažo avtobusstancii om saudud. Lähembaine metro om Prospekt Veteranov-metrostancii.

Eläjad[redaktiruida | redaktiruida purde]

Vn 2010 Venäman rahvahalugemižen mödhe lidnan eläjiden lugu oli 44 323 ristitud. Kaik 55 550 eläjad oli lidnas vl 2017. Kaikiš suremb lidnan ristitišt oli 59 066 eläjad vl 2020 i om nügüd'.

Ortodoksižen hristanuskondan nell' pühäpertid^[1] oma avaitud lidnas: koume jumalanpertid i časoun'.

Krasnosel'skii-kolledž^[2] om lidnan professionaližen opendusen aluzkundaks.

Galerei[redaktiruida | redaktiruida purde]

Vezičuhunduz (2018)
Eläban Eziauguižen Stroican jumalanpert', vn 2021 nägu
Suren Mihail Pavlovič-ruhtinasen pert'kulu i Pert'kulun puišt vl 2015
Sildansauvondan organizacijan kontor i kommertine sauvuz
Krasnoje Selo-raudtestancii, sen sauvuz i torg päraudtestancijanno (2021)

Homaičendad[redaktiruida | redaktiruida purde]

↑ Krasnoje Selon pühäpertid sobory.ru-saital. (ven.)
↑ Krasnosel'skii-kolledžan sait (kolkras.ru). (ven.)

Irdkosketused[redaktiruida | redaktiruida purde]

Municipaližen «Krasnoje Selo-lidn»-ühtnikan tobmuden sait (krasnoe-selo.ru). (ven.)

Krasnoje Selo Vikiaitas

[1] Krasnoje Selon pühäpertid sobory.ru-saital. (ven.)

[2] Krasnosel'skii-kolledžan sait (kolkras.ru). (ven.)

[1]

[2]

L • D • R Piter
Rajonad:	Admiralteiskii \| Frunzen \| Kalininan \| Keskuzrajon \| Kirovan \| Kolpinon \| Krasnogvardeiskii \| Krasnosel'skii \| Kronštadtan \| Kurortan \| Merenrandaine \| Moskvan \| Nevan \| Petrodvorecan \| Petrogradan \| Puškinan \| Vasileostrovskii \| Viipurin
Lidnad:	Kolpino \| Krasnoje Selo \| Kronštadt \| Lomonosov \| Pavlovsk \| Petergof \| Puškin \| Sestroreck \| Zelenogorsk