Lužkovan stil'

M. k. «Lužkovan stil'» om neologizm Venäman Moskv-pälidnan stil'eriližusiden znamoičendan täht Jurii Lužkovan lidnanohjandusen pordos (1992−2010). Lugetas kaprom-stilin statjaks (kapitalistine romantizm), levigandihe valdkundan provincialižiš-ki lidnoiš.

Lužkovan sauvusiden pästilid oma postmodernizm, eklektik, istorizm, kitč. Enččen meran sanoiden mödhe, eklektik om Moskvan arhitekturan ühthine pird, se om erazvuiččen Venäman pälidn. Lužkovan arhitektur harakterizuiše pertišton sistematomusel, pertiden čomitandal čuhunduižiden da baläsinoiden abul, «min-ni pojaviden» materialiden kävutandal krepindas. Sen ližaks, arhitekturan sferan kamandiž-administrativine pätandsistem andoi voimust panda mantazole istorižen pertišton kogonaižid fartalid lendamha uden stilin pertid niiden sijas.

Nece «stil'» sai äi kritikad čomamahtmehišpäi.

Lužkovan stilin ezikuvad oma mugomad sauvused kut «Nautilus»-torguindkeskuz Lubänkan torgul, «Puškin i Natali»-fontan Nikitan Verai-torgul, Operpajatandan keskuz Galina Višnevskajan nimed Ostoženkal, «Belii lebed'»-restoran Puhthidenno uitoidenno, «Samsung»-ofispert' Sur' Jakimank-irdal, «Novinskii passaž»-torguindkeskuz, «Patriarh»-pert' Patriarhuitoidenno, «Kodi-muna» Maškovan irdal.

Kacu mugažo

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.